  Եթե պատերազմ սկսվի, ԼՂՀ ՊԲ-ն ոչ թե իր տարածքում է պատերազմելու, այլ այնտեղ, որտեղ նրան դա հետաքրքիր և հարմար կլինի  13 հոկտեմբերի 2010 - 18:34 AMTPanARMENIAN.Net - Այսօր ԼՂՀ պաշտպանության բանակը (ԼՂՀ ՊԲ) պատերազմական վիճակում է: Շփման գծում պահպանվում է ռազմական դրությունը, քանի որ տեղի են ունենում ռազմական գործողություններ, սակայն, անշուշտ, ոչ այնպիսի գործողություններ, ինչպես 90-ականների սկզբին, Ստեփանակերտում ԶԼՄ-ների համահայկական համաժողովի մասնակիցների հետ հանդիպմանը հայտարարել է ԼՂՀ պաշտպանության նախարար գեներալ-լեյտենանտ Մովսես Հակոբյանը: Ըստ նրա, բոլոր ռազմական դասագրքերում այսօրվա իրավիճակը բնութագրվում է որպես դիրքային պատերազմ: Անդրադառնալով ԼՂՀ ՊԲ կառուցվածքին՝ նա ասել է, որ այն շատ ինքնատիպ է, տարբերվում է մյուս բոլոր երկրների բանակներից: «Նման բանակ կա միայն Իսրայելում և մեզ մոտ՝ Արցախում: Մենք շարունակում ենք հզորացնել մեր բանակը, չբավարարվելով 1994թ. հրադադարով, քանի որ հրադադարը չի երաշխավորում, որ ռազմական գործողությունները չեն վերսկսվի: Այսօր լուրջ խնդիրներ կան, քանի որ Ադրբեջանը հրաժարվում է լուրջ բանակցություններ վարել Ղարաբաղի հետ: Կարելի է ասել, որ բանակցություններ չկան, քանի որ Արցախը դրանց չի մասնակցում»,-ասել է Հակոբյանը, հաղորդում է PanARMENIAN.Net –ի թղթակիցը Ստեփանակերտից: ԼՂՀ ՊԲ նախարարը նշել է նաև, որ եթե Ադրբեջանը գոնե մեկ րոպե մտածեր, որ կարող է ուժով լուծել հակամարտությունը, ապա անհապաղ պատերազմ կսկսեր և չէր նայի միջազգային հանրության արգելքներին: «Եվ մենք գիտակցում ենք դա: ԼՂՀ ՊԲ-ն վերահսկում է իրավիճակը, այն մտահոգիչ է, սակայն ոչ աղետալի»,-հայտարարել է նա: Անդրադառնալով ադրբեջանական բանակին՝ Հակոբյանը նշել է, որ Ադրբեջանը սկսել է կառուցել իր բանակը մի քանի տարի առաջ, իսկ նման ժամկետում նորմալ բանակ չես կառուցի: Խոսելով թվաքականի ու տեխնիկական հագեցվածության մասին՝ գեներալ-լեյտենանտն ասել է, որ մեծ բանակն ու բազմաքանակ տեխնիկան փոքր տարածքներում միշտ չէ, որ հարմար են կիրառության համար՝ հավելելով, որ ղարաբաղյան բանակի տեխնիկական հագեցվածությունը ավելի բարձր մակարդակի վրա է: «Եթե պատերազմ սկսվի, ԼՂՀ ՊԲ-ն իր տարածքում չի պատերազմելու, այն այլնտեղ, որտեղ հետաքրքիր և հարմար կլինի ԼՂՀ ՊԲ-ին»,-ասել է Հակոբյանը: Նա նշել է նաև, որ բանակի մարտական ոգին շատ բարձր է և յուրաքանչյուր զինվոր պատրաստ է կատարել իր պարտքը: «Ոչ մի դիվերսիա անպատիժ չի մնում, մենք ցանկանում ենք մեր պայմանները թելադրել առաջին գծում: Ինչ վերաբերում է դժբախտ պատահարներին բանակում, ապա նման բաներ միշտ են լինում: Սակայն մենք վճռական ենք տրամադրված իրավիճակը շտկելու հարցում և դրականը բանակում շատ ավելին է, քան բացասականը»,-ասել է Հակոբյանը:   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   |  Վերջին լուրեր «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ  Նախաձեռնությունն ավելի քան 40 ծրագիր է ֆինանսավորելԵրևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարությունԱլեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռներըՄարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ |
