// IP Marketing video - START// IP Marketing video - END

Վ. Ստամբոլցյանը հուղարկավորվելու է հուլիսի 8-ին Սովետաշենի գերեզմանատանը

PanARMENIAN.Net - Հուլիսի 5-ին սրտի կաթվածից մահացել է հայտնի երգեհոնահար, երգեհոնի հայաստանյան դպրոցի հիմնադիր, Հայաստանի ժողովրդական արտիստ Վահագն Ստամբոլցյանը:

Երգեհոնահարի մահվան կապակցությամբ ստեղծվել է պետական հանձնաժողով՝ ՀՀ մշակույթի նախարար Հասմիկ Պողոսյանի նախագահությամբ:

Հանձնաժողովը տեղեկացնում է, որ Վահագն Ստամբոլցյանի հոգեհանգիստը տեղի է ունենալու հուլիսի 7-ին, ժամը 18:00-ին Սբ. Գևորգ եկեղեցում, իսկ վերջին հրաժեշտը` հուլիսի 8-ին, ժամը 12:00-14:00-ը` Կոմիտասի անվան կամերային երաժշտության տանը: Հուղարկավորության արարողությունը կայանալու է Երևանի Սովետաշենի գերեզմանատանը, տեղեկացնում է Մշակույթի նախարարության պաշտոնական կայքը:

Այս տարի Ստամբոլցյանը տոնում էր իր 80-ամյա հոբելյանը, ինչի կապակցությամբ Կամերային երաժշտության ազգային կենտրոնը համերգաշար էր կազմակերպել Հայաստանի տարբեր շրջաններում:

Կապանում հունիսի 17-ին տված համերգից հետո, Ստամբոլցյանի ինքնազգացողությունը կտրուկ վատացել էր, ինչի հետևանքով տեղափոխվել էր հիվանդանոց:

 Ուշագրավ
Ավելի վաղ հաջողվել էր հանգցնել Ծիծեռնակաբերդի անտառում բռնկված հրդեհը
Ուղղաթիռից ճանապարհի երթևեկությանն էին հետևում ՃՈ պետ Եգոր Կարապետյանն ու նրա տեղակալ Նորիկ Սարգսյանը
Նա հավելել է, որ հարցը հանրային քննարկման փուլում է
Ըստ ՀՀ ոստիկանության հրապարակած տվյալների՝ հունիսին հանրապետությունում ՃՏՊ-երի հետևանքով զոհվել է 31 հոգի, որոնցից մեկը մայիսին տեղի ունեցած պատահարի հետևանքով: