 Գարեգին Երկրորդ. Քրիստոնեական հավատը և արժեքները հայ և լեհ ժողովուրդների դարավոր բարեկամության հիմքն են  29 հուլիսի 2011 - 16:38 AMTPanARMENIAN.Net - Հուլիսի 29-ին, Մայր Աթոռ Սուրբ Էջմիածնում, Ամենայն Հայոց կաթողիկոս Գարեգին Երկրորդն ընդունել է Լեհաստանի նախագահ Բրոնիսլավ Կոմորովսկուն` ՀՀ Արտաքին գործերի նախարար Էդվարդ Նալբանդյանի ուղեկցությամբ: Ամենայն Հայոց Կաթողիկոսը, ողջունելով Լեհաստանի նախագահի այցը ամենայն հայոց հոգևոր կենտրոն, անդրադարձավ Հայաստանյայց Առաքելական Եկեղեցու դերակատարությանը հայ ժողովրդի կյանքում: Իր խոսքում Նորին Սրբությունը նշեց, որ քրիստոնեական հավատը և արժեքներն են հիմքը կազմում հայ և լեհ ժողովուրդների դարավոր բարեկամության, որից դրդված դարերի ընթացքում հայորդիները տարբեր պատմական հանգամանքներում ապաստան են գտել հավատակից եղբայր լեհ ժողովրդի հյուրընկալ երկրում: Այս առնչությամբ Վեհափառ Հայրապետը, ի դեմս Լեհաստանի նախագահի, շնորհակալություն հայտնեց Լեհաստանի իշխանություններին և ժողովրդին այսօր ևս լեհահայ համայնքի նկատմամբ ցուցաբերվող բարյացակամ վերաբերմունքի և աջակցության համար: Ամենայն Հայոց Կաթողիկոսը նաև գոհունակություն հայտնեց Հայաստանի և Լեհաստանի միջև փոխհարաբերությունների առավել սերտացման և տարբեր ոլորտներում համագործակցության զարգացման առիթով: Իր հերթին Լեհաստանի նախագահ Բրոնիսլավ Կոմորովսկին ուրախություն հայտնեց Հայոց Եկեղեցու նվիրական կենտրոնում գտնվելու առիթով, անդրադարձավ դարերի ընթացքում հայ համայնքի կարևոր դերակատարությանը Լեհաստանի կյանքում: Իր խոսքում նախագահ Կոմորովսկին ընդգծեց, որ Լեհաստանը պետք է ոչ միայն շարունակի պահպանել բարեկամությունը, այլև նպաստի համագործակցության զարգացմանը և նաև իբրև Եվրամիության նախագահող երկիր` զորակից լինի Հայաստանին Եվրամիության Արևելյան գործընկերության ծրագրի շրջանակներում: Զրույցի ընթացքում խոսվեց նաև Հայ Առաքելական և Կաթոլիկ եկեղեցիների ջերմ փոխհարաբերությունների մասին: Վերջում Նորին Սրբությունը առաջընթաց և բարօրություն մաղթեց Լեհաստանի ժողովրդին` հորդորելով շարունակել պահպանել հավատի խորը զգացումը, հայտնում է Սբ Էջմիածնի մամլո ծառայությունը:  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
