Արձանագրությունները Թուրքիայի խորհրդարան վերադարձնելն ընդամենը Հայաստանի հանդեպ ճնշում գործադրելու փորձ է27 սեպտեմբերի 2011 - 15:02 AMT PanARMENIAN.Net - ՀՅԴ բյուրոյի Հայ դատի եւ քաղաքական հարցերի գրասենյակի պատասխանատու Կիրո Մանոյանը առաջընթաց չի ակնկալում առաջիկայում հայ-թուրքական հարաբերությունների կարգավորման գործընթացից: «Այն, որ Հայ-թուրքական արձանագրությունները վերադարձվել են Թուրքիայի խորհրդարանի օրակարգ, անսպասելի չէր: Նրանք միշտ եղել են թուրքական խորհդարանի օրակարգում, սակայն Անկարան ոչ մի քայլ չի ձեռնարկել դրանք վավերացնելու համար»,- Երևանում մամլո ասուլիսում հայտարարել է Կիրո Մանոյանը: Նրա խոսքով, Արձանագրությունները Թուրքիայի խորհրդարանի օրակարգ վերադարձնելն ընդամենը Հայաստանի վրա ճնշում գործադրելու հերթական լծակ է, որպեսզի Երևանը ետ չվերցնի իր ստորագրությունն Արձանագրություններից: «Բացի դրանից, Անկարան ցանկանում է ցույց տալ միջազգային հանրությանը, որ գործընթացը շարունակվում է: Սակայն պարզ է, որ այդ երկիրը ցանկություն չունի վավերացնելու Արձանագրությունները»,- ասել է նա: Մանոյանի խոսքով, Թուրքիային ձեռնտու է, որպեսզի դրանք չվավերացվեն, քանի որ այդ դեպքում երկիրը ստանում է այն, ինչ ցանկանում է, այդ թվում` ղարաբաղյան հակամարտության կարգավորման հարցում ճնշման լծակներ: Թուրքիայի Նախարարների խորհուրդը խորհրդարանի օրակարգ է վերադարձրել Հայ-թուրքական արձանագրությունները, հաղորդում են թուրքական լրատվամիջոցները: Թուրքիայի խորհրդարանի կանոնադրության համաձայն, այն օրինագծերը, որոնք չեն հաստատվել կոնկրետ օրենսդրական փուլի ընթացքում, չեղյալ են հայտարարվում: Դրա արդյունքում Հայ-թուրքական արձանագրությունները դուրս էին մնացել խորհրդարանի նոր համագումարի օրակարգից: Սակայն օրենսդրության մեջ կա ևս մեկ կետ, որի համաձայն, կառավարությունը կամ պատգամավորները կարող են վերականգնել փաստաթղթերն օրակարգում: Օգոստոսի 22-ին Թուրքիայի Մեծ ազգային ժողովն օրակարգից 898 օրինագիծ է հանել, որոնց թվում էին նաև 2009 թվականին ստորագրված Հայ-թուրքական արձանագրությունները: Արձանագրություններն օրակարգից հետ կանչելու գլխավոր պատճառ է ծառայել նոր խորհրդարանի դիրքորոշումը, որը հայ-թուրքական սահմանի բացման հարցն առաջնայնությունը կորցրած է համարել Թուրքիայի քաղաքական ուղու մեջ: Բացի դրանից, խորհրդարանի կանոնադրության համաձայն, խորհրդարանի կողմից մեկ կիսամյակի ընթացքում չընդունված հարցը կորցնում է իր իրավաբանական ուժը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |