Արմեն Իսրայելյան. Ադրբեջանը պետական մակարդակով խեղաթյուրում է պատմությունն իր ստեղծման օրից

PanARMENIAN.Net - Ադրբեջանը պետական մակարդակով խեղաթյուրում է պատմությունն իր ստեղծման առաջին իսկ օրից: Այդ մասին հայտարարել է իրանագետ, փորձագետ Արմեն Իսրայելյանը Analitika.at.ua-ին տված հարցազրույցումԼ Ըստ նրա, տարիներ շարունակ ադրբեջանցիները հետևողականորեն խեղաթյուրում են Իրանի պատմությունը: «Օրինակ, Իրանի մի շարք հյուսիսային շրջաններ ադրբեջանական դասագրքերում ներկայացվում են որպես Ադրբեջանի մաս, ասվում է, թե իբր 500 տարի առաջ Իրանի Թավրիզի ու Արդեբիլի գավառները այն ժամանակվա Ադրբեջան պետության մաս են կազմել: Ադրբեջանի հիմնական նպատակն է պատմական Ատրպատական նահանգի անջատումն Իրանից»,-ասել է նա: Այդ համատեքստում հայ փորաձգետը նշել է, որ Իրանի միջնադարյան բանաստեղծներն ու անվանի պատմական դեմքերը ներկայացվում են որպես ադրբեջանցիներ: «Իրանի մտավորականությունը «Ադրբեջան» պետության ստեղծման առաջին իսկ օրվանից բազմիցս իր դժգոհությունն է հայտնել այն առնչությամբ, որ Օսմանյան Թուրքիան ստեղծեց արհեստական պետական կազմավորում՝ օգտագործելով Իրանի պատմական գավառներից մեկի անվանումը»,-ասել է Իսրայելյանը: «Պատմության խեղաթյուրմանն ուղղված Ադրբեջանի իշխանությունների քաղաքականությունը հանգեցրեց նրան, որ Իրանում Ադրբեջանը սկսեցին անվանել Արրան, դրանով իսկ հասկացնելով պաշտոնական Բաքվին, որ այսուհետ նման քաղաքականությունը կոշտ հակազդեցության կարժանանա»,-ասել է նա, հայտնում է Analitika.at.ua.-ն: