Երևանյան երկու շուկաներում տավարի մսի փոխարեն ձիու միս են վաճառել26 դեկտեմբերի 2011 - 15:32 AMT PanARMENIAN.Net - Վերջին երկու ամիսների ընթացքում Հայաստանի գյուղատնտեսության նախարարության Սննդամթերքի անվտանգության պետծառայության ուշադրության կենտրոնում կաթնամթերքի և մսամթերքի շուկաներն էին: Այդ մասին Երևանում կայացած մամլո ասուլիսում ասել է պետծառայության պետի մամլո քարտուղար Բաբկեն Պիպոյանը: «Երևանում` Խորենացու փողոցում գտնվող «Գումի» շուկայում և Կոմիտասի շուկայում, բազմաթիվ խախտումներ են հայտնաբերվել` սկսած համապատասխան փաստաթղթերի բացակայությունից մինչև մսի պահպանման պայմանների խախտումներ»,- ասել է նա: Բացի այն, որ այդ երկու շուկաներում տավարի մսի փոխարեն ձիու միս է վաճառվել, «Գումի» շուկայում նաև արդեն սատկած անասունի միս է հայտնաբերվել, որը վտանգ է ներկայացնում մարդու առողջության համար: Այս կապակցությամբ Բաբկեն Պիպոյանը հավելել է, որ անբարեխիղճ տնտեսվարող սուբյեկտների հանդեպ քրեական վարույթ է հարուցվել, ընդ որում` տուգանքի չափը կազմել է մոտ 2 մլն դրամ: «Ամենամեծ տուգանքը նշանակվել է այն տնտեսվարող սուբյեկտին, որն իր կրպակում ձիու և սատկած անասունի միս է իրացրել»,- հաղորդել է նա: Իրադրությունը մսի շուկայում, մասնագետի կարծիքով, կախված է քաղաքացիների մտածելակերպից, որոնք գերադասում են միսը գնել փողոցում, քան անհրաժեշտ պայմաններով ապահովված տաղավարներից: Իսկ ինչ վերաբերում է կաթնամթերթին, ապա այդ շուկան Պետծառայության մշտական ուշադրության տակ է, իսկ անբարեխիղճ տնտեսվարող սուբյեկտների հանդեպ հարուցված վարույթների արդյունքները կամփոփվեն վաղը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Փաշինյանն ու Ֆրանսիայի նախկին վարչապետը խոսել են ՀՀ և Ադրբեջանի միջև խաղաղության պայմանագրից և սահմանազատումից Երևանում մեկնարկում է Ռաֆարենի նախաձեռնած «Խաղաղության շրջիկ համալսարանի» վերապատրաստման դասընթացը ԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ |