Վարչապետ. Եթե իմ՝ ՀՀ-ում ապրելու ժամկետը անհրաժեշտից քիչ լինի, ՀՀԿ ցուցակում չեմ ընդգրկվի13 հունվարի 2017 - 14:21 AMT PanARMENIAN.Net - Հունվարի 13-ին իր պաշտոնավարման 100 օրն ամփոփող ասուլիսում վարչապետ Կարեն Կարապետյանն անդրադարձավ հարցին՝ արդյոք պատրաստվում է ապրիլի 2-ին կայանալիք ընտրությունների արդյունքում ՀՀԿ-ի հաղթանակի դեպքում շարունակել զբաղեցնել պաշտոնը: «Թվում է՝ մամուլն ավելի շատ մտահոգված է նրանով, թե կմնամ պաշտոնին, թե՝ ոչ»,- նշեց նա: Նրա խոսքով՝ եթե իրենց թիմն արդյունավետ լինի, հակված են աշխատանքը շարունակելուն: «Իսկ այսպես… Կմնամ ես վարչապետ, չեմ մնա՝ ձեզ ամենից շատ դա՞ է անհանգստացնում»,- հարցրել է Կարապետյանը: Լրագրողների դրական պատասխանից հետո նա հավելել է. «Այդ դեպքում ահա հասարակ և հստակ պատասխանը. եթե ես այդպիսի հնարավորություն ունենամ, եթե մենք արդյունավետ աշխատենք, ապա՝ այո, ես հակված եմ մնալ»,- նշելով, որ դեռ չգիտի՝ ՀՀԿ-ի ռեյտինգային ցուցակում կլինի, թե՝ ոչ: Նա նշել է, որ ՀՀԿ համամասնական ցուցակում չի ընդգրկվի, եթե Հայաստանում ապրած իր օրերի քանակը չհամապատասխանի օրենսդրության պահանջին։ «Վերջին տարիներին Հայաստանի քաղաքացի եմ, ապրել եմ Երևանից դուրս։ Համապատասխանո՞ւմ է իմ ապրած օրերի քանակին՝ սահմանափակումը, որպեսզի լինեմ Հանրապետական կուսակցության ցուցակում, թե՝ չէ, այդ հարցի պատասխանը ես չգիտեմ, բայց եթե չի համապատասխանում, ապա ես ցուցակում չեմ լինելու», - ասել էվարչապետը։ Վարչապետը հավելել է, որ չի պատրաստվում գլխավորել ՀՀԿ-ի նախընտրական շտաբը, իսկ ընտրություններին աջակցելու է իր լավ աշխատանքով: «Մենք մեր աշխատանքով ենք «համոզելու» մարդկանց քվեարկել ՀՀԿ-ի օգտին»,- ասել է Կարապետյանը: Հունվարի 13-ին՝ նշանակումից 4 ամիս անց, ՀՀ վարչապետ Կարեն Կարապետյանը լրագրողների հետ հանդիպմանն ամփոփել է իր պաշտոնավարման 100 օրը: Կարդացեք նաև՝ Վարչապետ. Հարկային օրենսգիրքն ընդունվել է բյուջեի դեֆիցիտը կոմպենսացնելու համար Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |