1935-36-ին ծնվածները ևս ԽՍՀՄ Խնայբանկի ավանդերի փոխհատուցում կստանան

1935-36-ին ծնվածները ևս ԽՍՀՄ Խնայբանկի ավանդերի փոխհատուցում կստանան

PanARMENIAN.Net - 1935-1936թթ. ծնվածները ևս ԽՍՀՄ Խնայբանկի ավանդերի փոխհատուցում կստանան: Կառավարությունն ընդունել է նախագիծը, որով առաջարկվում է 2020-ին շարունակել ՀԽՍՀ հանրապետական բանկում մինչև 1993-ի հունիսի 10-ը ներդրված դրամական ավանդների դիմաց փոխհատուցման տրամադրումը: Այդ նպատակով կհատկացվի 1,2 մլրդ դրամ:

Նախագիծը ներկայացրել է Աշխատանքի և սոցիալական հարցերի նախարար Զարուհի Բաթոյանը:

Փոխհատուցում կտրամադրվի մինչև 1936-ի դեկտեմբերի 31-ը ներառյալ ծնվածներին:

Նախատեսված է նաև փոխհատուցել ՀՀ պաշտպանության համար մարտական գործողությունների մասնակից կամ մարտական գործողությունների համար չօգտագործվող և հակառակորդի գնդակոծման դեպքեր ունեցող սահմանամերձ համայնքներում 2014-ի օգոստոսի 1-ի դրությամբ հաշվառված անձանց: Գործող կարգավորումներով, սակայն, պարտադիր ծառայության զորակոչված անձինք բնակչության պետռեգիստրի հաշվառումից դուրս գալու պատճառով չեն կարողանում օգտվել այդ իրավունքից: Նախագծով առաջարկվում է այդ անձանց ևս ավանդների տրամադրման իրավունք վերապահել:

Նախկին ԽՍՀՄ խնայբանկի ՀԽՍՀ հանրապետական խնայբանկում մինչև 1993-ի հունիսի 10-ը ներդրած դրամական ավանդների դիմաց փոխհատուցման ծրագիրն իրականացվում է 2006-ից:

 Ուշագրավ
«ՀՀ ԶՈւ-երն ընդամենը պատասխանել են ադրբեջանական սադրանքներին»,- ասել է նա
Փետրվարի 27-ից սկսած օդի ջերմաստիճանը կրկին կսկսի բարձրանալ
Պաշտպանի խոսքով՝ 30-ամյա ոստիկանի սպանության մեջ մեղադրվող 16-ամյա պատանին տեղափոխվել է ՔԿՀ
16 տարի առաջ Մարգարյանին կացնով սպանել էր ադրբեջանցի Ռամիլ Սաֆարովը