ԵԽԽՎ նախագահը կոչ է արել Հայաստանի քաղաքացիներին մասնակցել Սահմանադրության հանրաքվեին

PanARMENIAN.Net - Եվրոպայի Խորհրդի Խորհրդարանական վեհաժողվի նախագահ Ռենե վան դեր Լինդենը կոչ է արել Հայաստանի քաղաքացիներին մասնակցել նոյեմբերի 27-ին կայանալիք Սահմանադրության հանրաքվեին: Այդ մասին PanARMENIAN.Net ին են հաղորդել ԵԽ երեւանյան գրասենյակի մամլո ծառայությունում: Սահմանադրական հանրաքվեն կարեւորագույն քաղաքական իրադարձություն է, որը կազդի Հայաստանի բոլոր քաղաքացիների առօրյա կյանքի վրա: Այդպիսով, կարեւոր է, որ բոլորն արտահայտեն իրենց կարծիքը»,-հայտարարել է նա: Նրա խոսքերով, 2003 թվականի մայիսի 25-ի սցենարի կրկնությունը, երբ մասնակցության ծացր տոկոսի պատճառով տապալվեց սահմանադրական հանրաքվեն, լուրջ խոչընդոտ կհանդիսանա ԵԽ-ին անդամակցելիս Հայաստանի ստանձնած պարտավորությունների կատարման համար: «Սա հնարավորություն է տալիս Հայաստանի քաղաքացիներին ցույց տալ իրենց նվիրվածությունը Եվրոպային»,-ամփոփել է Ռենե վան դեր Լինդենը: Նշենք, որ ՀՀ-ում սահմանադրական հանրաքվեի ընթացքում դիտորդական առաքելությամբ հանդես կգան Եխ երկու կառույցներ` Խորհրդարանական վեհաժողովը եւ Տեղական եւ տարածքային իշխանությունների կոնգրեսը: