// IP Marketing video - START// IP Marketing video - END

Արտակ Դաշյան. Ինձ հարկավոր է տեղ նվաճել «Մետալուրգի» մեկնարկային կազմում

PanARMENIAN.Net -
Դոնեցկի «Մետալուրգի» հետ 3 տարով պայմանագիր կնքելուց հետո կիսապաշտպան Արտակ Դաշյանը հարցազրույց տվեց ակումբի պաշտոնական կայքին: Հարցազրույցում նա խոստովանեց, որ աստիճանաբար հարմարվում է իր համար նոր կոլեկտիվին, եւ դրանում իրեն օգնում է մեկ այլ հայ ֆուտբոլիստ` Հենրիկ Մխիթարյանը:



«2009 թվականի հոկտեմբերին ես փորձաշրջան էի անցնում Դոնեցկի թիմում: Թիմն ինձ շատ դուր եկավ, Նիկոլայ Կոստովի կոլեկտիվն ուղղակի հիանալի է, եւ ես ինձ լավագույնս դրսեւորելու մեծ ցանկություն ունեցա»,- ասաց Դաշյանը:



Կիսապաշտպանը խոստովանեց, որ իրեն Դոնեցկում լավ ընդունեցին եւ իրեն մոտ ամեն ինչ կարգին է: «Ես ուժեղ թիմ եմ անցել, որտեղ կկարողանամ առաջ գնալ: Այժմ ես պետք է անեմ ինձնից կախված ամեն բան, որպեսզի օգտակար լինեմ թիմին: Ես գոհ եմ, որ արեցի այդ քայլն իմ կարիերայում»,- ընդգծեց Դաշյանը:



«Մեր մեկնարկային խաղը կլինի փետրվարի 27-ին Ուժգորոդում «Զակարպատյեի» հետ: Ներկա պահին ինձ հարկավոր է տեղ նվաճել «Մետալուրգի» մեկնարկային կազմում: Հեշտ չի լինելու, բայց դրա համար կգործադրեմ իմ բոլոր ջանքերը»,- նշեց «Բանանցի» նախկին կիսապաշտպանը:





Արտակ Դաշյան

Արտակ Դաշյանը «Բանանց» ֆուտբոլային դպրոցի սաներից է: 2007-ից Հայաստանի առաջնություններում հանդես է գալիս «Բանանցի» կազմում: 2008-ից խաղում է Հայաստանի երիտասարդական հավաքականի կազմում, մեկ տարի անց սկսեց հանդես գալ նաեւ ազգային հավաքականի կազմում: Հավաքականի կազմում իր առաջին հանդիպումն անցկացրեց 2009թ. փետրվարի 11-ին Կիպրոսում Լատվիայի հավաքականի հետ (0:0): Դաշյանը 2007թ. Հայաստանի առաջնության արծաթե մեդալակիրն է, 2007թ. Հայաստանի գավաթակիր եւ 2008 ու 2009 թվականների Հայաստանի գավաթի եզրափակչի մասնակից:

 Ուշագրավ
Ծրագրի 88%-ը կիրականացվի Միացյալ Նահանգներում, իսկ 12%-ը` Ադրբեջանում
Երկրի Կենտրոնական ընտրական հանձնաժողովի տվյալներով, կուսակցությունը հավաքել է ձայների 42%-ը
Ընդհանուր առմամբ 19 մարդ է տուժել, որից 4 վիճակը գնահատվում է ծանր