Երեւանում քննարկվել է «Մեկ ազգ, մեկ մշակույթ» IV համահայկական փառատոնի ծրագիրը 9 սեպտեմբերի 2009 - 19:22 AMT PanARMENIAN.Net - Երեւանում տեղի է ունեցել «Մեկ ազգ, մեկ մշակույթ» IV համահայկական փառատոնի հոգաբարձուների խորհրդի նիստը, որի ժամանակ քննարկվել է փառատոնի ծրագիրը: Փառատոնը տեղի կունենա Հայաստանում 2010թ.: Ինչպես նիստի ժամանակ հայտարարել է հոգաբարձուների խորհրդի նախագահ Թամարա Պողոսյանը, քննարկումների արդյունքում առաջարկվել է այն կազմակերպել հուլիսի երրորդ տասնօրյակում: «Հուլիսի առաջին երկու տասնօրյակներում Երեւանում անցնում է «Ոսկե ծիրան» կինոփառատոնը, եւ մենք գտնում ենք, որ «Մեկ ազգ, մեկ մշակույթ» փառատոնը կարող է դառնալ նրա շարունակությունը»,-հավելել է Խորհրդի նախագահը: Նախատեսվում է, որ փառատոնն երկու ուղղվածություն կունենա` բուն փառատոնը եւ համահայկական համաժողովը, ինչպես նաեւ քննարկումներ, կլոր սեղաններ պրոֆեսիոնալ արվեստի շուրջ: Նիստում փառատոնի գեղարվեստական ղեկավար Արմեն Մանուկյանը նշել է, որ փառատոնն, առաջին հերթին, պետք է ծառայի Հայաստանի ու Սփյուռքի մերձեցմանը: «Վատ չէր լինի, եթե փառատոնն իր հիմնը ունենար»,-ասել է Մանուկյանը: «Մեկ ազգ, մեկ մշակույթ» փառատոնի նպատակն է նպաստել հայ մշակույթի ու մշակութային ինքնության պահպանմանը Սփյուռքում, ՀՀ-ի ու Սփյուռքի երիտասարդ արվեստագետների միջեւ կապերի հաստատմանը, միջմշակութային կապերի զարգացմանը, ժամանակակից հայ արվեստի զարգացմանը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |