Երեւանում տեղի ունեցավ հայ-թուրքական «Արաքսի ափին» ֆիլմի պրեմիերան18 նոյեմբերի 2009 - 16:40 AMT PanARMENIAN.Net - «Դա ուղակի ֆիլմ չէ, այլ կարեւոր նախագիծ, որը կօգնի երկու հարեւաններին ավելի լավ հասկանալ իրար: Ֆիլմը կոչվում է Արաքսի ափին», քանի որ Արաքսը ուղակի գետ չէ, այն երկար տարիներ բաժանում էր հայերին եւ թուրքերին: Եվ պատահական չէ, որ ֆիլմը աջակցություն է ստացել Հայաստանում եւ Անկարայում ԱՄՆ-ի դեսպանատների կողմից: Ֆիլմը նույնիսկ կարող է դրդիչ պատճառ հանդիսանալ վերին ատյաններում հայ-թուրքական հարաբերություններում ինչ որ նոր բան սկսելու համար», - ասել է ֆիլմի պրեմիերայից առաջ նոյեմբերի 17 կայացած մամլո ասուլիսում Հայաստանում ԱՄՆ-ի դեսպանատան հասարակության հետ կապերի բաժնի ղեկավար Թոմաս Միթնահթը:Ֆիլմը ռեժիսոր Գեւորգ Նազարյանի խոսքերով, պատմում է մարդկանց կյանքի մասին, որոնք ապրում են Արաքսի տարբեր ափերում. «Ես մեծ բավականություն ստացա տեսնելով Արաքսի ափերին հայ մշակույթի հետքերը, խաչքարեր եւ եկեղեցիներ: Եվ ես ուրախ եմ, որ կարող եմ կիսվել ձեզ հետ իմ տեսածով»: Ֆիլմի դիտումից հետո դահլիճում հնչեցին հակադիր կարծիքներ: Ներկա գտնվողներից մի մասը շնորհակալություն հայտնեց ֆիլմի ստեղծողներին, իսկ մյուսները համարեցին, որ ֆիլմը նվաստացնում է հայերին: Ֆիլմը անվճար կտրամադրվի հայկական հեռուստաալիքներին: «Արաքսի ափին» ֆիլմի մտահղացումը ծնվեց 2008 թ-ն: Եվ այս տարի մենք ստացանք Հայաստանում եւ Թուրքիայում ԱՄՆ-ի դեսպանատներից աջակցություն եւ սկսեցինք նկարահանման գործընթացը: Սկզբից նախատեսվում էր վավերագրական ֆիլմ նկարահանել, սակայն հետո փոփոխություններ կատարվեցին եւ այն դարձավ խաղարկային: Կազմակերպչական գործընթացով զբաղվում էր Հայաստանում Հայկական մարքեթինգի ասոցիացիան եւ Թուրքիայում Հայ-թուրքական հարաբերությունների զարգացման խորհուրդը: Ֆիլմը թարգմանվել է հայերեն, թուրքերեն եւ անգլերեն լեզուներով: Ֆիլմի պրեմիերան Թուրքիայում տեղի կունենա դեկտեմբերի 12-ն, եւ հետո այն կցուցադրվի թուրքական հեռուստատեսությամբ», - նշել է Հայկական մարքեթինգի ասոցիացիայի նախագահ Արամ Նավասարդյանը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Իրանն ուզում է ԵԱՏՄ-ում դիտորդի կարգավիճակ ստանալ Համապատասխան գրությունը ստացվել է մայիսի 27-ին ՀՀ-ն ու Սերբիան մտադիր են գործակցել պաշտպանության ոլորտում Քննարկվել են նաև ԶՈւ բարեփոխումներին առնչվող հարցեր Վարչապետը ցավակցական հեռագիր է հղել Արթուր Չիլինգարովի մահվան կապակցությամբ Չիլինգարովն արժանացել է նաև ՀՀ պետական պարգևների Փաշինյանը Զիբերթի հետ խոսել է ԵՄ հետ տնտեսական, տեխնոլոգիական կապերի զարգացման անհրաժեշտության մասին Զիբերթն ասել է, որ ԵՄ-ն շարունակելու է ակտիվորեն նպաստել Հայաստանի հետ հարաբերությունների ընդլայնմանը |