ՀՀ սփյուռքի նախարար Հրանուշ Հակոբյանը շնորհակալագիր է հանձնել եգիպտահայ բարերար Վարդ Ալեքսանյանին16 հունիսի 2010 - 17:48 AMT PanARMENIAN.Net - Հունիսի 16-ին ՀՀ սփյուռքի նախարար Հրանուշ Հակոբյանն ընդունեց ազգային բարերար, «ԷՏԱԼԵՔՍ» («ETALEX») ընկերության նախագահ Վարդ Ալեքսանյանին: Վերջինս 1952 թվականից ղեկավարում է մեդալների, հուշամեդալների, սպորտային գավաթների, ափսեների, դրոշների արտադրությամբ զբաղվող «ԷՏԱԼԵՔՍ» ընկերությունը, որն իր բնագավառում առաջատարներից է աշխարհում: Վարդ Ալեքսանյանը նաև Համահայկական խաղերի համաշխարհային խորհրդի անդամ է, Եգիպտոսում ՀՀ դեսպանության բարեկամների խմբի նախագահ: Հրանուշ Հակոբյանը խորին շնորհակալություն հայտնեց եգիպտահայ բարերարին Հայաստանի անկախացումից հետ բազմաթիվ բարեգործական ծրագրեր իրականացնելու, մասնավորապես` ՀՀ սփյուռքի նախարարության համար իրականացրած անշահախնդիր ձեռնարկումների համար: Վարդ Ալեքսանյանի ղեկավարած «ԷՏԱԼԵՔՍ» ընկերությունը պատրաստել և ՀՀ սփյուռքի նախարարությանն է նվիրել վերջինիս կողմից Հայրենիք-Սփյուռք կապերի ամրապնդման գործում սփյուռքահայ կազմակերպություններին և անհատներին պարգևատրելու նպատակով նախատեսված «ՀՀ սփյուռքի նախարարության ոսկե մեդալ», «Կոմիտաս», «Արշիլ Գորկի», «Վիլիամ Սարոյան», «Նուբար Փաշա» անվանումներով հուշամեդալները: «Մենք հպարտ ենք, որ ունենք Վարդ Ալեքսանյանի նման հայրենակից: Չկա որևէ կարևորագույն ձեռնարկ (Համահայկական խաղեր, «Մեկ ազգ, մեկ մշակույթ» համահայկական փառատոն և այլն), որի համար Վարդ Ալեքսանյանը մեդալներ, գավաթներ, հուշանվերներ պատրաստած և նվիրած չլինի», - փաստեց նախարար Հրանուշ Հակոբյանը: ՀՀ սփյուռքի նախարարը եգիպտահայ բարերար Վարդ Ալեքսանյանին հանձնեց շնորհակալագիր` «Սփյուռքում իրականացրած հայապահպանական գործունեության և Հայաստան-Սփյուռք գործակցության զարգացման գործում ներդրած նշանակալի ավանդի համար», հաղորդում է ՀՀ Սփյուռքի նախարարության մամլո ծառայությունը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ավագանու անդամները չեն կարողանա համատեղել իրենց պաշտոնը հանրային պաշտոնի և ծառայության հետ Նախագիծն ընդունվել է առաջին ընթերցմամբ Անհայտ անձը թմրամիջոց է առաջարկել աշակերտուհուն․ Կալանավորված կա Դեպքը տեղի է ունեցել Արարատ քաղաքի դպրոցներից մեկում Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նա ԱԺ նախագահ․ 2026-ի ընտրություններում Տավուշի այդ գյուղերում ՔՊ-ն հաղթելու է շռնդալից կերպով «Հայաստանն իր քաղաքացիներից որևէ մեկին չի նեղացնելու, անտեր ու անտուն չի թողնելու»,–ասել է նա |