Արսինե Խանջյան. «Մշակույթի և քաղաքականության կապը արվեստի գործիչներին որոշակի ազատություն է տալիս»23 հուլիսի 2010 - 15:14 AMT PanARMENIAN.Net - Հուլիսի 23-ին Երևանում «Մշակույթի քաղաքականություն» թեմայով տեղի է ունեցել բաց քննարկում, որը կազմակերպել էին «Սիվիլիթաս» հիմնադրամը և Counterpart International կազմակերպությունը: Քննարկումը երկու մասից էր կազմված: Առաջին մասում կանադահայ հայտնի դերասանուհի Արսինե Խանջյանը Counterpart International կազմակերպության նախագահի տեղակալի և հայկական ծրագրերի ղեկավար Ալեքս Սարդարի հետ միասին քննարկել է հասարակության մեջ հայ կնոջ դերի և քաղաքականության և մշակույթի կապի վերաբերյալ հարցեր: «Վերջին տասը տարվա ընթացքում մշտապես Հայաստան այցելելով` ես նկատել եմ, որ հայ կանայք սկսել են իրենց ավելի լավ դրսևորել, փոխել են վարքը, փոխվել է նաև հասարակության մեջ նրանց կարգավիճակը: Սակայն դեռևս չեմ կարող ասել, որ հայ կանայք հասարակական կյանքում նույնքան ակտիվ են, որքան եվրոպացի կանայք», - ասել է Արսինե Խանջյանը: Նրա խոսքերի համաձայն, հայ կանայք եվրոպացի կանանց զիջում են նաև իրենց քաղաքական ակտիվությամբ: «Ես, այո, տեսնում եմ քաղաքականության մեջ հայ կանանց, սակայն նրանք քիչ են և երկրում բարձր պաշտոններ չեն գրավում»: Արվեստի և քաղաքականության մասին խոսելով, Արսինե Խանջյանը նշել է, որ ԱՄՆ-ում, Կանադայում, Ֆրանսիայում և այլ երկրներում պետությունը ֆինանսավորում և աջակցում է արվեստին: «Դա բնական է, քանի որ յուրաքանչյուր երկրի քաղաքագետները հասկանում են արվեստի փոխկապակցությունը և մշակույթի, և տնտեսության հետ: Այդ կապը արվեստի գործիչներին տալիս է որոշակի ազատություն», - ասել է Ա.Խանջյանը, ավելացնլով, որ ամուսնու` Ատոմ Էգոյանի հետ այցելել են հայկական տարբեր հրաշալի թանգարաններ և զարմացել են իմանալով, որ արվեստի մարդիկ շատ հարցեր հենց իրենք պետք է լուծեն ու ամեն ինչ կազմակերպեն: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | IDBank-ն ու Դալման աջակցում են Կովկասյան եղջերուներին վերաբնակեցնելու ծրագրին Բնապահպանությունն IDBank-ի կորպորատիվ սոցիալական պատասխանատվության առանցքային ուղղություններից է Միրզոյան․ Անկարայի հետ գործընթացում ժամանակն է, որ տեսնենք գետնի վրա իրականացվող պայմանավորվածությունները Նա նշել է, որ մի շարք հարցերի շուրջ բավականին լայն փոխըմբռնում կա ՀԿԵ․ Սանահինից մինչև Այրում երկաթուղու 8 ավերված հատվածից 2-ը վերականգնվել է Երթևեկությունը դեռևս սահմանափակ է արագությամբ և շարժակազմի տեսակով Բագրատ սրբազանը երթը տարել է դեպի ՄԻՊ գրասենյակ․ Օմբուդսմենը հրաժարվել է լրագրողների ներկայությամբ ընդունել նրան «Իմ փորձառությունը դժբախտաբար ցույց է տվել, որ այն ինչ չի տեսաձայնագրվում, տարընկալումների տեղիք է տալիս»,–ասել է սրբազանը |