Էմմին չանցավ «Եվրատեսիլ 2011»-ի եզրափակիչ 11 մայիսի 2011 - 08:18 AMT PanARMENIAN.Net - Դյուսելդորֆում (Գերմանիա) ընթացող «Եվրատեսիլ 2011»-ի հայաստանյան մասնակից Էմմին չանցավ մրցույթի եզրափակիչ: Սակայն հարկ է նշել, որ երգչուհու ելույթը բավական լավ ընդունվեց Arena մարզադաշտում գտնվող հանդիսատեսի կողմից: Եզրափակիչ անցան Սերբիան, Լիտվան, Հունաստանը, Ադրբեջանը, Վրաստանը, Շվեյցարիան, Հունգարիան, Ֆինլանդիան, Ռուսաստանը և Իսլանդիան: Մայիսի 10-ին Դյուսելդորֆում (Գերմանիա) կայացավ «Եվրատեսիլ-2011» երգի մրցույթի առաջին կիսաեզրափակիչը: Էմմին ելույթ ունեցավ չորրորդ համարի ներքո «Boom-Boom» երգով: Ռուսաստանցի մասնակից Ալեքսեյ Վորոբյովը Get You կատարմամբ ելույթ ունեցավ յոթերորդը, Վրաստանի մասնակից ռոք երգչուհի Eldrine-ը One More Day կատարմամբ 9-րդ ելույթ ունեցողն էր, իսկ Ադրբեջանի ներկայացուցիչներ Նիգյար Ջամալ և Էլդարա Գասիմովա դուետը ելույթ ունեցավ տասնիններորդը Running Scared երգով: Առաջին կիսաեզրափակչի ընթացքում ընդհանուր առմամբ ելույթ ունեցան 19 երկրների ներկայացուցիչներ: Եվրատեսիլ Եվրատեսիլը էստրադային երգի մրցույթ է Եվրոպայի երկրների շրջանում: Մրցույթին մասնակցում է մեկական ներկայացուցիչ Եվրոպական հեռարձակողների միության անդամ երկրներից: Մրցույթը անց է կացվում ամեն տարի, 1956թ. ի վեր եւ վերջին տարիներին հավաքում է 100-600 մլն հանդիսատես: 2000թ. ի վեր մրցույթը մշտապես հեռարձակվում է ինտերնետում: 2008թ. Եվրատեսիլի ուղիղ հեռարձակումը դիտել է շուրջ 400 մլն մարդ ավելի քան 50 երկրներում: Հայաստանի հանրային հեռուստատեսությունը սկսել է անդամակցել 2005թ. հուլիսի 8-ին: Հայաստանն առաջինն էր Անդրկովկասում, որը մասնակցեց Եվրատեսիլին: 2006թ. Հայաստանը ներկայացրեց երգիչ Անդրեն եւ գրավեց 8-րդ տեղը: Հաջորդը Հայկոն էր, որը միանգամից հանդես եկավ եզրափակչում նույն արդյունքով: Ամենաբարձր արդյունքը ցույց է տվել Սիրուշոն 2008թ. Սերբիայում` զբաղեցնելով 4-րդ տեղը: 2009թ. Հայաստանը ներկայացնում էին քույրեր Ինգա եւ Անուշ Արշակյանները` գրավելով 10-րդ տեղը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |