Հայաստանում ներքաղաքական շաբաթը սկսվեց խորհրդարանի քառօրյա նիստով: Թուրքիայի ղեկավարությանը, որը ստորագրում է մի փաստաթղթի տակ, հետո անում է այդ փաստաթղթղին հակասող հայտարարություններ, պետք չէ լուրջ վերաբերվել: Այդ մասին լրագորղներին հայտնել է Հայաստանի խորհրդարանի խոսնակ Հովիկ Աբրահամյանը: Նրա խոսքերով, նման գործողությունները ցույց են տալիս, որ Թուրքիայի ղեկավարությունը չի հարգում ոչ պայմանավորվածությունները, ոչ իրեն: «Ինչ վերաբերվում է Արձանագրությունների վավերացմանը, ապա կրկնում եմ, մենք քննարկել ենք այս հարցը կոալիցիայի գործընկերների հետ եւ մնում ենք նախկին դիրքերում. քանի դեռ Թուրքիան չի վավերացրել Արձանագրությունները, հայկական խորհրդարանը ոչինչ չի անելու»,- ասել է Աբրահամյանը:

27 տարի շարունակ հանրությունը մարտի 15-ին նշում է Սպառողների իրավունքների պաշտպանության համաշխարհային օրը, որը 2010 թվականին անցավ «Դրամը` մերն է, իրավունքը` մերն է» կարգախոսով: 72 երկրների 180 հասարակական ու պետական կազմակերպությունների հետ միասին, որոնք զբաղվում են սպառողների իրավունքների պաշտպանության խնդիրներով, Հայաստանի ազգային ասոցիացիան արդեն 10 տարի շարունակ միանում է Սպառողների իրավունքների պաշտպանության համաշխարհային կազմակերպության միջազգային կարգախոսներին:

Մի կողմ դնենք «100 հազար անօրինական հայ գաղթականների արտաքսման» մասին Թուրքիայի վարչապետ Ռեջեփ Թայիփ Էրդողանի հայտարարությունների առիթով մեկնաբանություններն ու վրդովմունքի ալիքը: Քաղաքական գործչի, առավել եւս Էրդողանի պես մեկի ցանկացած գործողություն որոշակի նպատակների է ծառայում, տվյալ դեպքում կարող ենք ենթադրել, որ այն ուղղված է ինչպես հայկական Սփյուռքին, այնպես էլ ներքին օգտագործմանը: Սակայն ակնհայտ է, որ Էրդողանը նման կտրուկ արձագանք չէր սպասում ողջ աշխարհում` ներառյալ Թուրքիայում:

Անցած շաբաթը բավական ակտիվ էր տարեբր միջազգային փառատոններին Հայաստանի մասնակցության տեսանկյունից, ինչպես նաեւ երկրի սահմաններից դուրս հայկական ֆիլների ցուցադրումով: Մարտի 6-ին մեկնարկած «Պինամարի էկրան 2010. արգենտինյան եւ եվրոպական կինոյի 6-րդ հանդիպում» միջազգային կինոփառատոնում Հայաստանն այս տարի մասնակցում է առաջին անգամ եւ հատուկ հրավիրյալի կարգավիճակով: Հայկական կինոարվեստը ներկայացված է Հարություն Խաչատրյանի «Սահման» վավերագրական ֆիլմով եւ Հովհաննես Գալստյանի «Խճճված զուգահեռներ» գեղարվեստական կինոնկարով:

Բռնցքամարտ Մարտի 6-ին ԱՄՆ-ի Agua Calente հարթակում աշխարհի մրցումների WBA/IBF մեկնարկի թեթեւքաշային մրցամարտում հայ բռնցքամարտիկ Վիկ Դարչինյանը մեծ հաջողությամբ պաշտպանեց իր տիտղոսները մեքսիկացի բռնցքամարտիկ Ռոդրիգո Գուերրերոյի հետ մենամարտելիս: Մենամարտի սկզբում Գուերրերոն հաջողությամբ դիմադրում էր Դարչինյանին, սակայն հայ բռնցքամարտիկի հարվածներն ավելի ու ավելի ուժեղանում էին եւ ավելի դիպուկ էին դառնում: Մենամարտը տեւեց 12 ռաունդ: Երեք դատավորներն էլ հաղթանակը Դարչինյանին տվեցին, եւ նա 118:110, 117:111, 120:108 հաշվով ճանաչվեց հաղթող:

Փետրվարի 15-ը մանկական ուռուցքային հիվանդությունների դեմ պայքարի միջազգային օրն է: Ինչ-ինչ, բայց պայքարելու բան այս բնագավառում կա : Ամեն տարի Հայաստանում գրանցվում են քաղցկեղային հիվանդությունների 7000 նոր դեպքեր, որոնցից 100-ը մինչեւ 15 տարեկան երեխաների մոտ է նկատվում: Այս թվերը սարսափեցնող են, թեեւ դրանք համաշխարհային ցուցանիշներից չեն տարբերվում: Քաղցկեղը դաժան հիվանդություն է, այն հաճախ այլ հիվանդության է նմանվում: Մեծ մասամբ անցնում է գաղտնի շրջան, այդ պատճառով էլ դժվար է լինում նախնական վիճակում այն նկատել:

Բջջային կապի ծառայությունների հայաստանյան շուկան 2009 թվականի վերջին ընդհուպ մոտեցավ հագեցման շեմին՝ երկրի չափահաս բնակչության ճնշող մեծամասնությունը մեկ կամ երկու բջջային հեռախոսահամար ունի։ 3.2 միլիոն բնակիչ ունեցող հայաստանյան շուկայում տարեվերջյան տվյալներով ավելի քան 2,5 միլիոն բջջային բաժանորդ կար։