Անցյալ շաբաթ Մերձավոր Արևելքը և Հարավային Կովկասն ընդգրկող տարածաշրջանում տեղի ունեցան դեպքեր,որոնք որոշ չափով կորոշեն նրա ապագան առաջիկա 10-15 տարում: Թուրքիայում տեղի ունեցավ սահմանադրության փոփոխությունների վերաբերյալ հանրաքվե, և դա կարելի է համարել գլխավոր իրադարձությունը: Հանրաքվեի արդյունքների ամփոփումից հետո ԱՄՆ-ն և ԵՄ որոշ երկրներ իսկույն հայտարարեցին, որ Թուրքիան մոտենում է ԵՄ-ին և, ԱՄՆ պետդեպարտամենտի կարծիքով, Ամերիկան հանդես է գալիս ԵՄ-ին Թուրքիայի անդամակցություն օգտին:

Ղարաբաղի թեման, հավանաբար, դեռ երկար կշարունակի մնալ Հայաստանի ներքին քաղաքականության կարևորագույն խնդիրներից մեկը, քանի որ արդեն երկրորդ շաբաթն է, ինչ երկրի քաղաքական կյանքում չեն դադարում այդ հարցի շուրջ քննարկումները: Սեպտեմբերի 4-ին ՀՀ ԱԳ փոխնախարար Շավարշ Քոչարյանը, անդրադառնալով վերջին շրջանում ղարաբաղա-ադրբեջանական շփման գծում հաճախակիացած Ադրբեջանի կողմից կազմակերպվող սադրանքներին, մասնավորապես այս գիշեր տեղի ունեցած դիվերսիոն գործողության փորձին, հայտարարեց, որ արդեն ավանդույթ են դարձել շփման գծում Ադրբեջանի ղեկավարության կազմակերպած սադրանքները, որոնց նպատակն է ձախողել հրադադարի ռեժիմը ամրապնդելուն, դիպուկահարներին շփման գծից հետ քաշելուն, բանակցային գործընթացում առաջընթաց ապահովելուն ուղղված միջնորդների ջանքերը:

2010 թ. հունվար-հուլիս ամիսներին «Գազարդ» ԲԲԸ-ն անցյալ տարվա նույն ժամանակահատվածի համեմատ ՌԴ ներքին շուկայում 6 տոկոսով բարձրացրել էր գազի վաճառքի գները: Նախկին ԽՍՀՄ երկրներում 2010 թ. 7 ամիսների ընթացքում գազի վաճառքի ծավալը մեծացել է 40 տոկոսով: Եվրոպայում ընթացիկ տարվա հունվար-հուլիս ամիսներին «Գազարդի» վաճառած գազի ծավալը ավելացել է 11 տոկոսով: «Գազարդի» ներկայացուցիչը նշել է, որ շուկայում տիրող ծանր վիճակը հաշվի առնելով, Եվրոպայում գազի վաճառքի ծավալը 2010 թ. տվյալների համաձայն մոտ է լինելու անցյալ տարվա ցուցանիշներինը: Եվրոպայում գազի վաճառքի միջին գինը 2010 թ. նախատեսվում է մոտավորապես 308 դոլար` հազար խորանարդ մետր գազի համար: ՀԾԿՀ-ի որոշման համաձայն, 2010 թ. ապրիլի 1-ից Հայաստանի սպառողների համար գազի սակագները բարձրացել են 37,5 տոկոսով`մեկ խոր/մ-ի համար մինչև 132 դրամ` ներկա 95 դրամի դիմաց: Այն ձեռնարկությունների համար, որոնք մեկ ամսում օգտագործում են մինչև 10 հազ. ք/մ գազ, սակագինը բարձրացել է 13 տոկոսով և ապրիլի 1-ից կազմել 243,13 դոլար` 1000 խ/մ ծախսած գազի համար` գործող 215 դոլար սակագնի փոխարեն:

Տեղեկությանն այն մասին, որ Երևան է ժամանում աշխարհահռչակ դերասան Ժերար Դեպարդյեն, չէին կարողանում հավատալ նրան սպասող երկրպագուները և լրագրողները մինչև այն պահը, երբ տեսան բոլոր առումներով մեծ մարդուն հայկական հողի վրա:

2010 թ. հունվար-հուլիս ամիսներին Հայաստանի կապի բնագավառում ծառայություններից ստացած շահույթը կազմել է մոտավորապես 95,4 մլրդ դրամ: Այդպիսով, 2009 թ. նույն ժամանակահատվածի համեմատ շահույթն աճել է 3,2 տոկոսով: Հայաստանի Ազգային վիճակագրական ծառայության տվյալներով, 2010-ի հունվար-հուլիս ասմիներին Հայաստանում արտադրվել է 923 համակարգիչ: Համակարգչային տեխնիկայի արտադրության աճը 2009-ի նույն շրջանի համեմատ կազմել է 17 տոկոս, ընդ որում` միայն 2010թ. հուլիսին արտադրվել է 198 համակարգիչ:

Ֆուտբոլ. Սեպտեմբերի 1-ին ՀՀ նախագահ Սերժ Սարգսյանի և UEFA նախագահ Միշել Պլատինիի մասնակցությամբ Երևանում կայացել է Ֆուտբոլային ակադեմիայի բացման արարողությունը: Իր խոսքում Պլատինին ասաց, որ դեռ 2007-ին FIFA նախագահ Զեպ Բլատերի հետ դրել են ակադեմիայի հիմքերը: «Այդ ժամանակ մենք «փոխանցում» կատարեցինք և այսօր տեսանք «գոլը»,- նշեց Պլատինին և հավելեց, որ դա քայլ է Հայաստանում ֆուտբոլի զարգացման մեջ:

7 հեթանոսական աստվածներին նվիրված տոնը նշանակալի է դարձել հայ ժողովրդի համար մի քանի կարևորագույն դեպքերով: Հին հայկական Նոր տարի Նավասարդը Հայաստանում նշվում է տասնյակ դարեր շարունակ օգոստոսի 11-ին: Այդ տոնն ամենասիրված և պաշտված տոներից մեկն է եղել մեր նախնիների համար, իսկ հիմա նրա մասին կարելի է լսել միայն պատմաբանների պատմություններից և ընթերցել հայկական ժողովրդական բանահյուսության ստեղծագործություններում: