Աշխարհի առաջնությունը բացեցին հունահռոմեական ոճի ըմբիշները, իսկ առաջինը մեկնարկեցին 55, 66 և 96 կգ քաշային կարգերի մարզիկները: 55 կգ քաշային կարգում Հայաստանը ներկայացնում էր մեր ամենատիտղոսակիր մարզիկներից մեկը՝ Ռոման Ամոյանը, որը նվաճել է Պեկինի Օլիմպիական խաղերի բրոնզե մեդալը, Եվրոպայի առաջնության ոսկե մեդալը և անցյալ տարվա աշխարհի առաջնության արծաթե մեդալը: Այս տարի նույն Ամոյանն իր ավանդն ունեցավ Հայաստանի հավաքականի խաղում:

Հայաստանը որոշել է հետ չմնալ աշխարհից և ավտոտրանսպորտային միջոցների օգտագործման պատասխանատվության պարտադիր ապահովագրություն ներմուծել: Դրան կնպաստի տնտեսության դանդաղ, բայց այնուամենայնիվ աճը, երբ բնակչությունը դրական սպասումներիպայմաններում հակված չէ տնտեսել ապահովագրության և նոր ավտոմեքենաների վրա: 2010 թվականի մայիսի 18-ին Հայաստանի խորհրդարանը հաստատել է «Ավտոտրանսպորտային միջոցների օգտագործման պատասխանատվության պարտադիր ապահովագրության մասին» օրենքը, որի նպատակը ավտոտրանսպորտային միջոցների շահագործման արդյունքում տուժածների հատուցման վճարի ապահովումն է: Օրենքն ուժի մեջ կմտնի 2011 թվականի հունվարի 1-ից, իսկ արդեն այս տարվա հոկտեմբերի 1-ից կսկսվի ապահովագրական պոլիսների վաճառքը:

Անցած շաբաթ քաղաքական քննարկումները սկսվեցին բանավեճից այն մասին, թե որքանով է նպատակահարմար ԼՂՀ անկախության ճանաչումը Հայաստանի կողմից: Սեպտեմբերի 11-ին քաղաքագետ, Կովկասի ինստիտուտի տնօրեն Ալեքսանդր Իսկանդարյանը Երևանում կայացած մամլո ասուլիսում հայտարարեց, որ Հայաստանի կողմից Ղարաբաղի անկախության ճանաչումը ոչինչ չի փոխի ղարաբաղյան հակամարտության կարգավորման բանակցային գործընթացում: «Սակայն, այն շատ բան կփոխի Հայաստանի ներքաղաքական կյանքում և քաղաքական գործիչների հարաբերությունների մեջ»,-ասել է քաղաքագետը:

Վրաստանի ու Ադրբեջանի նախագահները, շարունակելով իրենց նախորդների՝ Հեյդար Ալիևի ու Էդուարդ Շևարնաձեի ավանդույթները, կրկին «դարի նախագիծ» են ձեռնարկել, այս անգամ գազի ոլորտում: Բաքվում կայացած նախագահների հանդիպմանը, որին մասնակցում էր նաև Ռումինիայի ղեկավար Տրայան Բասեսկուն, համաձայնագիր է ստորագրվել նոր էներգետիկ՝ Аzerbaijan-Georgia-Romania Interconnector (AGRI) նախագծի վերաբերյալ, որով ադրբեջանական գազը կտեղափոխվի Եվրոպա:

Գիտե՞ք արդյոք, որ շատերի կողմից սիրված «Շրեք» անիմացիոն ֆիլմն այն տեսքով, ինչ որ դուք գիտեք, կարող էր չլինել, քանի որ հեղինակները չէին կարողանում կապել երկու հիմնական սյուժետային գծերը մեկ ընդհանուր գաղափարով, որը երկար որոնումներից հետո դարձավ «կոտրված հեքիաթի» թեման: Իսկ այն, որ նրա սցենարի ստեղծման աշխատանքները տևեցին ավելի քան 3 տարի և որ 90-րոպեանոց ֆիլմը ստեղծվեց անհետաքրքիր սյուժեով բարալիկ գրքույկի հիման վրա: Այդ և Walt Disney, Warner Brothers և DreamWorks անիմացիոն ստուդիաների այլ գաղտնիքների մասին կարելի էր լսել մարդկանց շուրթերից, որոնք երկար տարիներ զբաղվել են անիմացիոն ֆիլմերի ստեղծմամբ: Նրանք մի շարք սեմինարներ անցկացրեցին Երևանում ReAnimania 2010 միջազգային անիմացիոն փառատոնի շրջանակներում:

2011թ. Հայաստանի կառավարությունը կավելացնի ՏՏ ոլորտի ֆինանսավորումը: Այս մասին PanARMENIAN.Net ի թղթակցի հետ զրույցում հայտարարել է ՀՀ էկոնոմիկայի նախարարության բարձր ու տեղեկատվական տեխնոլոգիաների վարչության պետ Վաչե Կիրակոսյանը: Ըստ նրա, 2010թ. ՏՏ ոլորտի զարգացման համար 200 մլն դրամից մինչև 80 մլն դրամ միջոցների կրճատումը կապված է համաշխարհային տնտեսական ճգնաժամի հետ: Միևնույն ժամանակ, նա ընդգծել է, որ այս տարի խոշոր գումար է հատկացվել Գյումրիում տեխնոպարկի կառուցմանը:

7 հեթանոսական աստվածներին նվիրված տոնը նշանակալի է դարձել հայ ժողովրդի համար մի քանի կարևորագույն դեպքերով: Հին հայկական Նոր տարի Նավասարդը Հայաստանում նշվում է տասնյակ դարեր շարունակ օգոստոսի 11-ին: Այդ տոնն ամենասիրված և պաշտված տոներից մեկն է եղել մեր նախնիների համար, իսկ հիմա նրա մասին կարելի է լսել միայն պատմաբանների պատմություններից և ընթերցել հայկական ժողովրդական բանահյուսության ստեղծագործություններում: