Երևանում ընդհանուր առմամբ հաշվվում են տարբեր թեքումներով ավելի քան 30 թանգարաններ: Դրանցից գրեթե բոլորը գտնվում են մշակույթի նախարարության և ՀՀ ԳԱԱ հոգածության տակ, և գրեթե բոլորը նյութական միջոցների կարիք ունեն, ինչն իր հերթին խանգարում է շատ պլանների և մտադրությունների իրականացմանը, այդ թվում` ինչպես միջազգային, այնպես էլ տեղական ցուցահանդեսներին մասնակցությանը: Անբավարար միջոցները թույլ չեն տալիս բարձրացնել թանգարանների աշխատողների աշխատավարձը, որի պատճառով շատ մասնագետներ ուղղակի չեն ցանկանում աշխատել թանգարաններում:

Մերձավոր Արևելքում իսլմական տիրապետության հաստատումից հետո քրիստոնյաներն իսկույն դարձան «անհավատներ», «ոչ մաքուրներ», «գյավուրներ», որոնց սպանելը մահմեդականների համար ոչ թե պատվի գործ էր, այլ կենսամիջավայրի «մաքրության» պահպանության գործ: Եվ բանը նույնիսկ կոնկրետ մարդու անձնավորության մեջ չէ, այլ նրա դավանած կրոնի: Ուշադրության է արժանի նաև այն փաստը, որ Օսմանյան և Պարսից կայսրություների բոլոր անվանի գործիչները քրիստոնյաներ են եղել, որոնք մահմեդականություն են ընդունել՝ բռնի կամ կամավոր:

Համաշխարհային բանկի «Ներդրումներ առանց սահմանների 2010» վարկանիշի համաձայն, որն անցկացվել է աշխարհի 87 երկրների ցուցանիշների հիման վրա, Հայաստանում բիզնես սկսելու համար կպահանջվի 18 օր, այն ժամանակ, երբ հարևան Վրաստանն այդ վարկանիշի առաջատարն է՝ 4 օր, որի շնորհիվ շատ արտասահմանյան ներդրողներ նախապատվությունը տալիս են հենց այդ երկրին: Անհրաժեշտ է նշել, որ ՀԲ նշված հետազոտության համաձայն, Վրաստանը բացարձակ բաց է արտասահմանյան կապիտալի համար և արտասահմանյան ընկերությունների վերաբերյալ ոչ մի սահմանափակում չունի:

Ընդդիմադիրների վերջին ելույթները տարբեր ցույցերում և մամլո ասուլիսներում ցուցաբերում են իշխանության համար պայքարում գոյություն ունեցող սոցիալական բողոքն օգտագործելու նրանց մտադրությունը և ժողովրդական բողոքի ալիքի վրա իշխանության գալու ցանկությունը: Արաբական աշխարհում վերջին դեպքերը, մասնավորապես Եգիպտոսի և Թունիսի ժողովրդական ելույթների հաջողություններն ընդդիմության մոտ հաջողությայն հույսեր են արթնանցնում, իսկ իշխանության ներկայացուցիչների մոտ՝ սեփական իշխանության պահպանման համար վտանգ: Եթե ՀՅԴ-ն և «Ժառանգությունը» դեմ են իշխանությունը բռնի ուժով փոխելուն, ապա ՀԱԿ-ն, ինչպես միշտ, ավելի արմատական է իշխանության գալու իր ձգտման մեջ: ՀԱԿ-ից փորձում է ետ չմնալ նաև Ժողովրդական կուսակցության առաջնորդ Տիգրան Կարապետյանը, որը փետրվարի 15-ի իր ցույցում նախագահի աշխատակազմին է հանձնել վերջնագիր քաղաքական և տնտեսական պահանջներով՝ սպառնալով դրանք հաշվի չառնելու դեպքում իշխանություններին փետրվարի 28-ի իր ցույցում «կարմիր քարտ» ցույց տալ:

Ըմբշամարտ. «Կարծում եմ` մեր ըմբշամարտիկները Մուրսկա Սոբոտա քաղաքում կայացած Գրան Պրիում լավ ելույթ ունեցան, քանի որ Հայաստանի հավաքականի չորս հիմնական անդամները մեդալներ են նվաճել»,- PanARMENIAN.Net ի թղթակցի հետ զրույցում ասել է Հայաստանի հունա-հռոմեական ըմբշամարտի հավաքականի գլխավոր մարզիչ, Օլիմպիական չեմպիոն Լևոն Ջուլֆալակյանը:

Սմարթֆոնները հայտնվեցին հայկական շուկայում երկու տարի առաջ և գործնականում գրեթե անմիջապես տարածում ստացան Հայաստանի բնակչության շրջանում: Օրինակ, ըստ 2010-ի արդյունքների «Օրանժը» վաճառել է շուրջ 550 iPhone սմարթֆոն, իսկ ՎիվաՍել-ՄՏՍ-ը՝ մոտ 1000 սմարթֆոն: «Օրանժի» վաճառքի գծով խորհրդատու Լաուրա Մկրտչյանը PanARMENIAN.Net-ի թղթակցին տեղեկացրեց, որ ամենից շատ վաճառվում են iPhone հեռախոսները. «Մեկ ամսվա ընթացքում մեր սպասարկման կենտրոնում վաճառում ենք 2 blackberry, 12 HTC և15 iPhone: Հատկապես iPhone 4-ի համար վերջին երեք ամսում հերթեր են գոյացել»: Ըստ Լաուրա Մկրտչյանի iPhone ցանկանում են գնել միայն բրենդի համար, իսկ HTC և Blackberry սմարթֆոնները նախընտրում են գործարարները:

Հայաստանի Ազգային անվտանգության ռազմավարության համաձայն, ծնելիության ցածր մակարդակը Հայաստանի ազգային անվտանգության սպառնալիքներից է: 2003-ին ՀՀ կառավարությունը որոշում է ընդունել 2003-2015թթ. Մոր և մանկան առողջության պահպանության ռազմավարության հաստատման մասին, որում, մասնավորապես , ասվում է. «Մայրական և վերարտադրողական առողջության բարելավմանն ուղղված ծրագրերի մեջ մտնում է աբորտների դեմ պայքարը, այդ թվում՝ արհեստական վիժումների կանխումը, ժամանակակից հակաբեղմնավորիչ միջոցների խրախուսումը, առողջ սեռական կյանքի քարոզչությունը»: Ռազմավարության նպատակներից է՝ մինչև 2015-ը նվազեցնել արհեստական վիժումների մակարդակը մինչև 30 տոկոս: