4 ամսվա ընթացքում Փոքր եւ միջին ձեռնարկատիրության զարգացման ազգային կենտրոնը 4028 հայտ է բավարարել

6 մայիսի 2009 - 15:14 AMT

PanARMENIAN.Net - Աշխատանքի առաջին 4 ամիսների ընթացքուն պետական աջակցության ծրագրի շրջանակներում Փոքր եւ միջին ձեռնարկատիրության զարգացման ազգային կենտրոնը 4028 հայտ է բավարարել, Երեւանում կայացած մամլո ասուլիսում հայտարարել է ՓՄՁ ԶԱԿ-ի գործադիր տնօրեն Իշխան Կարապետյանը: «2009թ. ապրիլի 20-ի դրությամբ կենտրոնը բավարարել է խորհրդատվական, տեղեկատվական, ուսուցողական, ապրանքների եւ ծառայությունների առաջմրղման, սկսնակ գործարարների աջակցության, ֆինանսների ներգրավման ուղղություններով 4028 աջակցության հայտ»,-ասել է նա:

Ըստ նրա, ընդհանուր առմամբ աջակցություն է ստացել ՓՄՁ 2230 սուբյեկտ, ընդ որում 31 տոկոսը գործում է Երեւանում, իսկ 69 տոկոսը` մարզերում: Կարապետյանը նշել է նաեւ, որ 2230 սուբյեկտներից 715-ը աջակցություն է ստացել մի քանի ուղղություններով, մասնավորապես, ֆինանսական աջակցություն ստացած սուբյեկտները ստացել են նաեւ խորհրդատվություն, վերապատրաստել են կադրերը եւ հնարավորություն են ստացել մասնակցելու ցուցահանդեսների:

ՓՄՁ սուբյեկտներից 3838-ին աջակցություն է տրամադրվել տեղեկատվական, խորհրդատվական եւ ուսուցողական ուղղություններով:

Ինչպես ասել է Կարապետյանը, պետական աջակցության շրջանակներում մշակվել է 39 գործարար ծրագիր, 330 մարդ մասնակցել է Երեւանում եւ մարզերում կազմակերպված վերապատրաստման դասընթացներին, 3469 ՓՄՁ սուբյեկտ ստացել է անհրաժշետ խորհրդատվություն հարկային, մաքսային եւ աշխատանքային օրենսդրության վերաբերյալ:

Գործադիր տնօրենը նշել է, որ նշված ժամանակահատվածում ՓՄՁ 23 սուբյեկտ աջակցություն է ստացել վարկային երաշխավորությունների տրամադրման ուղղությամբ: «Ստացած աջակցության շնորհիվ ՓՄՁ սուբյեկտներին հաջողվեց ներգրավել 107,5 մլն դրամ վարկային միջոցներ»,-ասել է նա: Ընդ որում, նա հավելել է, որ միջին տարեկան տոկոսադրույքը 16 տոկոս է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով