ՀԿԵՈւ ղեկավարը Շիրակի մարզում քննարկել է երկաթուղու շահագործման անվտանգության բարձրացմանն առնչվող հարցեր 2 դեկտեմբերի 2009 - 18:08 AMT PanARMENIAN.Net - Դեկտեմբերի 2-ին «Հարավկովկասյան երկաթուղի» ՓԲԸ-ի գլխավոր տնօրեն Շեւկեթ Շայդուլինը այցելել է Հայաստանի Շիրակի մարզ, հաղորդում է ընկերության մամլո ծառայությունը: Այցի շրջանակներում նա հանդիպել է Շիրակի մարզպետ Լիդա Նանյանի եւ Գյումրիի քաղաքապետ Վարդան Ղուկասյանի հետ: Հանդիպման ժամանակ շոշափվել են սոցիալական բնույթի հարցեր, ինչպես նաեւ երկաթուղու շահագործման անվտանգության բարձրացմանն առնչվող հարցեր: Կողմերն առանձնակի ուշադրություն են դարձրել երկաթուղու օբյեկտներում բազմաթիվ ընտանիքների բնակության փաստին, ինչը սկսվել է 90-ականներին: Կոնցեսիոն պայմանագիրը «ՀԿԵՈւ» ՓԲԸ-ի եւ ՀՀ կառավարության միջեւ չի նախատեսում անհատների բնակում երկաթուղային օբյեկտներում: Կողմերն եկան համաձայնության եւ պայմանավորվեցին կառավարական մակարդակով այն փուլ առ փուլ լուծելու մասին: Շեւկեթ Շայդուլինը եւ Լիդա Նանյանն այցելել են սահմանային Ախուրյան կայարանը: Նանյանը բարձր է գնահատել Գյումրի-Ախուրյան հատվածում կատարված վերականգնողական աշխատանքները: «Հարավկովկասյան երկաթուղի» ՓԲԸ-ն «Ռուսական երկաթուղի» ԲԲԸ-ի 100-տոկոսանոց դուստր-ձեռնարկությունն է: «Հայկական երակթուղի» ՓԲԸ-ն հանձնվել է «ՀԿԵՈւ» ՓԲԸ-ի կոնցեսիոն կառավարմանը, ըստ 2008թ. փետրվարի 13-ին կնքված կոնցեսիոն պայմանագրի: Կոնցեսիոն կառավարման ժամկետը 30 տարի է` այն եւս 10 տարով երկարացնելու իրավունքով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |