Ապրանքաշրջանառությունը Հայաստանի եւ Պետերբուրգի միջեւ 2009թ. ճգնաժամի պայմաններում կրճատվել է 13 տոկոսով 8 դեկտեմբերի 2009 - 13:27 AMT PanARMENIAN.Net - Ապրանքաշրջանառությունը Հայաստանի եւ Պետերբուրգի միջեւ 2009թ. ճգնաժամի պայմաններում կրճատվել է 13 տոկոսով: Այդ մասին Երեւանում մեկնարկած հայ-ռուսական գործարար համաժողովի ընթացքում լրագրողներին է ասել Սանքտ Պետերբուրգի վարչակազմի Արտաքին կապերի կոմիտեի վարչության պետի տեղակալ Նատալիա Լուկիչովան: Ըստ նրա, այս ցուցանիշում հաշվի չեն առնվել այն ապրանքները, որոնք Հայաստանից Սանքտ Պետերբուրգ են առաքվում Մոսկվայի միջոցով: Այս առնչությամբ Լուկիչովան նշել է, որ վերջին տարիներին Սանքտ Պետերբուրգում Երեւանի եւ Երեւանում Սանքտ Պետերբուրգի բացված ներկայացուցչությունները ակտիվորեն համագործակցում են: «Մենք որոշել ենք աջակցել նրանց գործունեությանը, քանի որ հետաքրքրությունը տնտեսության հանդեպ, անկախ ճգնաժամից, մեծ է, իսկ Սանքտ Պետերբուրգում Երեւանի ներկայացուցչության հենքի վրա նախատեսվում է անցկացնել մասնագետների թեմատիկ հանդիպումներ»,-ասել է նա: Ն.Լուկիչովան հավելել է, որ նման հանդիպումները Սանքտ Պետերբուրգում ակտիվորեն կյանքի են կոչվում ֆիների հետ, որոնք ժամանում են փոքր պատվիրակություններով (3-4 նեղ մասնագետ), ինչը թույլ է տալիս տնտեսել ժամանակն ու միջոցները: Դեկտեմբերի 8-ին Երեւանում մեկնարկել է հայ-ռուսական գործարար համաժողովը, որի ընթացքում կքննարկվի հայ-ռուսական հարաբերությունների զարգացման ներուժը, մասնավորապես, համագործակցությունը Սանքտ Պետերբուրգի հետ: Ռուսական պատվիրակության կազմում են մանվածքային արդյունաբերության, կարի, դեղագործության, տրանսպորտի, վերամշակող արդյունաբերության ներկայացուցիչներ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Օպերայի շրջակայքում ոստիկանական ուժեր են կուտակված․ Պատնեշներ են տեղադրվել Շենքի շուրջբոլորը ոստիկանությունը պատնեշներ է տեղադրել «Տավուշը հանուն հայրենիքի»․ Ժամը 15:30-ին լինել նշված վայրերում, խաղաղ երթով շարժվել Ազատության հրապարակ Նպատակն է ցույց տալ ժամանած հյուրերին, որ «ՀՀ վարչապետը տարածքներ հանձնելու համար երկրում լեգիտիմություն չունի» Տավուշում սահմանազատված հատվածների արձանագրության ստորագրման ժամկետը լրանում է Հստակ չէ նաև հարցը, թե արդեն իսկ սահմանազատված հատվածներից Հայաստանի Զինված ուժերն արդեն պետք է ե՞տ քաշվեն, թե՞ դեռ ոչ Գրավյալ Արցախում տոնելու են ռուս խաղաղապահների դուրսբերումը․ Հանդիսավոր արարողություն է լինելու Հարթակում, որտեղ անցնելու է միջոցառումը, տեղադրված են Ադրբեջանի և ՌԴ դրոշներ |