Չեխիան շահագրգռված է Հայաստանի հետ համգործակցելու հարցում17 մայիսի 2010 - 19:14 AMT PanARMENIAN.Net - Չեխիայի վարչապետ Յան Ֆիշերի Հայաստան կատարած այցի շրջանակներում, Երևանում մայիսի 17-ին տեղի ունեցավ հայ-չեխական գործարար համաժողով: Համաժողովին ներկա էին շինարարության և էներգետիկայի, ֆինանսական և տեղեկատվական տեխնոլոգիաների բնագավառների ավելի քան 40 ընկերություն: «Մեր երկրների միջև ապրանքաշրջանառությունը աճում է, սակայն դա մեզ չի կարող բավարարել, քանի որ դեռևս չբացահայտված ներուժ կա, ինչը նման հանդիպումների օգնությամբ կհաջողվի իրացնել: Չեխիայի արդյունաբերողների միության փոխնախագահ և պատվիրակության ղեկավար Յարոսլավ Հանակն ասել է, որ չեխական արտադրանքը Հայաստանում պահանջարկ է ունեցել դեռևս Չեխոսլովակիայի Հանրապետության գոյության տարիներից, իսկ Չեխիայում մինչ օրս բարձր է գնահատվում հայկական կոնյակը: «Սակայն այս ամենն արդեն անցյալում է մնացել: Այսօր մենք նոր հիմքերի վրա հարաբերություններ պետք է ստեղծենք: Չեխիան շահագրգռված է Հայաստանի հետ համագործակցությամբ, և ներդրումներ է առաջարկում արդյունաբերական արտադրության, էներգետիկայի, սննդի արդյունաբերության, ինչպես նաև շահագրգռված է գյուղատնտեսության ու զբոսաշրջության բնագավառներում համագործակցելու հարցում», - ասել է նա: Չեխիայի Հանրապետության արդյունաբերության և առևտրի փոխնախարար Միլան Հովորկան ասել է, որ Չեխիան` որպես Եվրամիության անդամ, կարող է կապող կամուրջ դառնալ Հայաստանի և ԵՄ միջև: Ներկայում Հայաստանում չեխական կապիտալով գործում է 11 ընկերություն: Երկու երկրների միջև ապրանքաշրջանառությունը 2009 թ. կազմել է 16,7 մլն ԱՄՆ դոլար: Հիմնականում ներմուծվել և արտահանվել են հետևյալ ապրանքները` հրուշակեղեն, թուղթ, կերամիկա, ապակյա իրեր, սև մետաղներ, ցամաքային տրանսպորտ և այլն: Գործարար համաժողովը կազմակերպել էր ՀՀ արդյունաբերողների և ձեռնարկատերերի միությունը` զարգացման հայկական գործակալության հետ համատեղ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանը ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է |