Հայաստանի պետեկամուտների կոմիտեն 13 տոկոսով գերակատարել է հարկերի հավաքման պլանը

1 հունիսի 2010 - 15:39 AMT

PanARMENIAN.Net - 2010թ.-ը ՀՀ պետական եկամուտների կոմիտեն սկսել և շարունակում է գերակատարումներով: 2010թ.-ի հինգ ամիսների հավաքագրումները գերակատարվել են հարկային և մաքսային մասով. պետբյուջե է մուտքագրվել ավելի քան 234 մլրդ դրամ, այսինքն` ծրագրված ցուցանիշը գերակատարվել է ավելի քան 27մլրդ դրամով:

Ընթացիկ տարվա հինգ ամիսների հավաքագրումները զգալիորեն գերազանցել են 2009թ.-ի նույն ժամանակահատվածի ցուցանիշները: Մասնավորապես, 2009թ.-ի նույն ժամանակահատվածի համեմատ, այս տարվա հունվար-մայիս ամիսներին հավաքագրվել է մոտ 45,4մլրդ դրամով ավելի գումար: Իսկ 2008թ.-ի հինգ ամիսների համեմատ` այս տարվա հինգ ամիսների հավաքագրումները ավելացել են ավելի քան 2մլրդ դրամով:

Սոցիալական ապահովության վճարների մասով ևս արձանագրվել է գերակատարում` ինչպես 2008-ի և 2009-ի առաջին հինգ ամիսների, այնպես էլ այս տարվա հինգ ամիսների ծրագրային ցուցանիշի նկատմամբ: Մասնավորապես, 2010թ.-ի հունվար-մայիս ամիսներին հավաքագրվել է ավելի քան 45,2մլրդ դրամ, ինչը ծրագրված ցուցանիշը գերազանցել է ավելի քան 5,7մլրդ դրամով: 2010-ի առաջին հինգ ամիսների ընթացքում հավաքագրված սոցվճարները ավելի քան 6,5մլրդ-ով գերազանցել են 2009-ի, իսկ շուրջ 5,8մլրդ-ով էլ` 2008-ի նույն ժամանակահատվածի ցուցանիշը, հաղորդում է ՀՀ ԿԱ ՊԵԿ տեղեկատվության և հասարակայնությասն հետ կապերի բաժինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով