Հայաստանի և Քաթարի փոխվարչապետները քննարկել են համագործակցության խորացման հարցեր 1 հունիսի 2010 - 15:58 AMT PanARMENIAN.Net - Աշխատանքային այցով Քաթարի Պետությունում գտնվող ՀՀ փոխվարչապետ, տարածքային կառավարման նախարար Արմեն Գևորգյանն այսօր հանդիպեց Կատարի Պետության փոխվարչապետ, էներգետիկայի և արդյունաբերության նախարար Աբդուլլահ բեն Համադ ալ Աթթիյահի հետ: Հանդիպման ընթացքում երկուստեք կարևորվեց համագործակցության խորացման անհրաժեշտությունը, պատրաստակամություն հայտնվեց աշխատանքներ իրականացնել այդ ուղղությամբ: Ա. Գևորգյանը համագործակցության համար հեռանկարային համարեց էներգետիկայի, զբոսաշրջության, աշխատուժի ներգրավման ոլորտները: Նշվեց, որ Հայաստանը նախատեսում է մի շարք խոշոր ծրագրերի իրականացում` միջուկային նոր էներգաբլոկի կառուցում, «Հյուսիս-հարավ» ավտոճանապարհի, Իրան-Հայաստան երկաթուղու շինարարություն, և բաց է ցանկացած համագործակցության համար: ՀՀ փոխվարչապետի խոսքով` Հայաստանն առանձնահատուկ ուշադրություն է դարձնում տարածաշրջանային նշանակության էներգետիկ ու ենթակառուցվածքային ծրագրերին և ցանկություն ունի այդ բնագավառում համագործակցել նաև Քաթարի հետ: Երկուստեք ընդգծվեց հայ-քաթարական միջկառավարական հանձնաժողովի` որպես համագործակցության զարգացման հարթակի, կարևոր դերը: Աբդուլլահ բեն Համադ ալ Աթթիյահը նշեց, որ քաթարական կողմը հետաքրքրված է խորացնել Հայաստանի հետ համագործակցությունը` տարածաշրջանային նշանակության ծրագրերին մասնակցելու միջոցով: Հայաստանի հետ գործակցության հարցում նա կարևորեց նաև արաբական երկրներում հեղինակություն վայելող հայկական համայնքների գործոնը: Քաթարի փոխվարչապետի կողմից ընդունվեց նաև Հայաստան այցի հրավերը: ՀՀ փոխվարչապետ Արմեն Գևորգյանն այսօր Դոհայում մասնակցեց «Ազատ առևտուր, զարգացում և ժողովրդավարություն» խորագրով միջազգային համաժողովին: Համաժողովի բացումը կատարեց Քաթարի Պետության էմիր շեյխ Համադ բեն Խալիֆ ալ Թանին: Համաժողովին մասնակցում էին և տարածաշրջանային ու միջազգային վերջին զարգացումների վերաբերյալ խոսքով հանդես եկան Ֆինլանդիայի, Մակեդոնիայի նախագահները, մի շարք այլ երկրների բարձրաստիճան պաշտոնյաներ, հաղորդում է ՀՀ տարածքային կառավարման մալո ծառայությունը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |