«Հյուսիս-Հարավ» տրանսպորտային միջանցքի շինարարական աշխատանքները ծրագրվում է սկսել 2011 թվականի մարտ-ապրիլ ամիսներին28 հունիսի 2010 - 15:40 AMT PanARMENIAN.Net - Ընթացիկ տարվա մարտին ստեղծվեց «Հյուսիս-Հարավ» տրանսպորտային միջանցքի շինարարության ծրագրի իրականացման գրասենյակը` բաղկացած 21 աշխատակցից, հուլիսին կավարտվի նախագծային աշխատանքների առաջին փուլը, որից հետո կապալառուի որոշման մրցույթ կհայտարարվի: Այդ մասին հունիսի 28-ին ՀՀ կառավարության մամլո կենտրոնում ասել է ՀՀ տրանսպորտի և կապի նախարար Մանուկ Վարդանյանը: Բացի դրանից, նրա խոսքով, ընթացքի մեջ է նաև առաջին փուլի նախագծային աշխատանքների իրականացման հսկող ընկերության ընտրության մրցույթը, ինչպես նաև ընտրվում է երկրորդ փուլի նախագծողը: «Հյուսիս-Հարավ» տրանսպորտային միջանցքի շինարարական աշխատանքները ծրագրվում է սկսել 2011 թվականի մարտ-ապրիլ ամիսներին: Առաջին փուլում նախատեսվում է վերակառուցել Երևան-Աշտարակ քառաշար ճանապարհի 18,4 կմ հատվածը և բարձրացնել Երևան-Արտաշատ ճանապարհի անվտանգությունը»,- ասել է նա: Մանուկ Վարդանյանը հաղորդել է նաև, որ ընթացիկ տարվա դեկտեմբերին նախատեսվում է ծրագրի երկրորդ փուլի համար 90 մլն դոլարի վարկային համաձայնագիր ստորագրել Ասիական զարգացման բանկի հետ, այդ գումարից 13 մլն դոլարը կտրամադրի ՀՀ կառավարությունը: Այդ ծրագրի շրջանակներում կկառուցվի Աշտարակ-Թալին 40 կմ քառաշար ճանապարհ: «Ներկա փուլում ճշգրտվում է հողերի օտարման և տարաբնակեցման ծրագիրը»,- ասել է նա: Այդ կապակցությամբ նախարարն ավելացրել է, որ ավտոմոբիլային ճանապարհների ռազմավարական ծրագրերի իրականացման արդյունավետությունը բարձրացնելու, ինչպես նաև բնական և տեխնածին բնույթի վթարների վերացման նպատակով նախարարին կից ստեղծվել է խորհրդակցական մարմին, որում ընդգրկվել են նախագծողներ, շինարարներ, ինչպես նաև երկրի գիտական և ուսումնական հաստատությունների ներկայացուցիչներ: «Այդ մարմինն արդեն երեք նիստ է անցկացրել, որոնց ընթացքում բուռն կերպով քննարկվում են ցանկացած հարցեր, և կարծում եմ` ճիշտ որոշումներ են ընդունվում»,- նշել է նա: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |