Հայաստանը մասնակցել է ԱՊՀ տնտեսական խորհրդի 47-րդ նիստի աշխատանքներին

17 սեպտեմբերի 2010 - 18:31 AMT

PanARMENIAN.Net - Մոսկվայի Համառուսաստանյան ցուցահանդեսային կենտրոնում այսօր կայացավ ԱՊՀ տնտեսական խորհրդի հերթական` 47-րդ նիստը, որի աշխատանքներին մասնակցեց ՀՀ փոխվարչապետ, ԱՊՀ տնտեսական խորհրդի անդամ Արմեն Գեւորգյանը:

Խորհրդի նիստում քննարկվեցին եւ հավանության արժանացան երկու տասնյակից ավելի հարցեր: Մասնավորապես հավանության արժանացան Ազատ առեւտրի գոտու մասին պայմանագրի նախագիծը: Մինչեւ 2020 թվականն ընկած ժամանակաշրջանում ԱՊՀ մասնակից պետությունների ինովացիոն համագործակցության միջպետական նպատակային ծրագրի նախնական նախագիծը, ԱՊՀ երկրների պարենային անվտանգության բարձրացման հայեցակարգի նախագիծը եւ այլ հարցեր: Խորհուրդն ի գիտություն ընդունեց Հայաստանի Հանրապետության առեւտրային քաղաքականության մասին ամփոփ տեղեկատվությունը:

Մինչ նիստի աշխատանքների մեկնարկը, ԱՊՀ տնտեսական խորհրդի անդամները եղան Համառուսաստանյան ցուցահանդեսային կենտրոնում ներկայացված ազգային տաղավարներում: Այցելուների շրջանում իր բազմազանությամբ մեծ հետաքրքրություն առաջացրեց ՙՀայաստան՚ տաղավարը: Այն, ի տարբերություն ԱՊՀ մի շարք այլ երկրների տաղավարների, արդեն գործում է մի քանի տարի եւ ներկայանում է մշտական ցուցահանդեսով: Տաղավարում ցուցադրված է շուրջ 200 ձեռնարկության արտադրանք: Այն համարվում է լավագույններից, եւ որպես օրինակ ներկայացվեց ԱՊՀ մի շարք երկրների, որոնց տաղավարները դեռեւս լիարժեք չեն գործում:

Խորհրդի անդամները նաեւ ծանոթացան Համառուսաստանյան ցուցահանդեսային կենտրոնի հնարավորություններին եւ քննարկեցին ԱՊՀ 20-ամյակին նվիրված միջպետական ցուցահանդեսի անցկացման հետ կապված հարցեր, հաղորդում է կառավարության Հասարակայնության հետ կապերի բաժինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով