  Ջոն Սլոանը մեծ ներուժ է տեսնում հայ-կանադական առևտրատնտեսական հարաբերությունների դինամիկ զարգացման մեջ 2 նոյեմբերի 2010 - 18:34 AMTPanARMENIAN.Net - Նոյեմբերի 2-ին Հայաստանի էկոնոմիկայի նախարար Ներսես Երիցյանն ընդունել է Հայաստանում Կանադայի նորանշանակ դեսպան Ջոն Սլոանին (նստավայրը` Մոսկվա): Ներսես Երիցյանը շնորհավորել է դեսպանին` Հայաստանում դիվանագիտական առաքելությունը սկսելու կապակցությամբ և մաղթել արդյունավետ աշխատանքային գործունեություն: Զրույցի ընթացքում էկոնոմիկայի նախարարը դեսպանին ներկայացրել է այն ոլորտները, որտեղ հայ-կանադական համագործակցությունն առավել արդյունավետ և հեռանկարային կարող է լինել`շեշտելով մասնավորապես ծառայությունների ոլորտը, զբոսաշրջությունն ու առողջապահությունը, տեղեկատվական տեխնոլոգիաները, հանքարդյունաբերությունը, ոսկերչությունն ու ադամանդագործությունը: Նա նաև նշել է, որ անհրաժեշտ է ուսումնասիրել և խթանել երկկողմ առևտրային հարաբերությունները: Ներսես Երիցյանը նաև տեղեկացրել է, որ ներկայումս ակտիվ աշխատանքներ են տարվում Հայաստանի տնտեսության դիվերսիֆիկացման խորացման և արտահանմանն ուղղված ընկերությունների գործունեության խթանման առումով: Դեսպան Սլոանն իր հերթին վստահեցրել է, որ իր գործունեությամբ կնպաստի հայ-կանադական առևտրատնտեսական հարաբերությունների խորացմանն ու ընդլայնմանը, քանի որ համարում է, որ մեծ ներուժ կա` դրանք ավելի դինամիկ զարգացնելու համար: Հանդիպման ավարտին զրուցակիցները համաձայնեցին համագործակցել կոնկրետ ծրագրերի շրջանակում և հաջողված պատմություններ արձանագրելով` խթանել հայ-կանադական հետագա տնտեսական կապերը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
