Հայաստանի փոխվարչապետը մարզպետների մասնակցությամբ խորհրդակցություն անցկացրեց 1 մարտի 2011 - 22:07 AMT PanARMENIAN.Net - Հայաստանի փոխվարչապետ, տարածքային կառավարման նախարար Արմեն Գևորգյանի մոտ մարտի 1-ին մարզպետների մասնակցությամբ տեղի ունեցավ խորհրդակցություն: ՀՀ աշխատանքի և սոցիալական հարցերի փոխնախարար Արտեմ Ասատրյանը տեղեկություններ ներկայացրեց անապահովության գնահատման համակարգում ընդգրկվելու նպատակով ընտանիքների փաստագրման գործընթացի վերաբերյալ: Փոխվարչապետը մարզպետներին հանձնարարեց առավել արդյունավետ կազմակերպել աշխատանքները` հնարավոր բոլոր շահառուներին համակարգում ներառելու համար: Քննարկվեց նաև «Հազարամյակի մարտահրավեր հիմնադրամ-Հայաստան» ՊՈԱԿ-ի երրորդ կարգի ջրանցքների վերականգնման ծրագրով համայնքների կողմից ստանձնած ֆինանսական պարտավորությունների կատարման հարցը: ՓՄՁ Զարգացման ազգային կենտրոնի տնօրեն Կարեն Գևորգյանը ներկայացրեց տարվա ընթացքում մարզերում կենտրոնի կողմից իրականացվելիք ծրագրերը` նշելով, որ կենտրոնը հնարավորություն ունի ընդհանուր 5,5 մլրդ դրամի չափով մարզերում վարկավորել այն գործարար ծրագրերը, որոնք կիրականացվեն պետության համար գերակա համարվող ոլորտներում: Տեղեկություններ հաղորդվեց նաև Բնակչության պետական ռեգիստրում երեխաների հաշվառման ընթացքի մասին: Քննարկվեցին ՀՀ մարզերի առաջնահերթ խնդիրների լուծման համար ՀՀ կառավարության պահուստային ֆոնդից հատկացված գումարներով նախատեսված աշխատանքների իրականացման հետ կապված հարցեր: Փոխվարչապետը հանձնարարեց սեղմ ժամկետներում ներկայացնել աշխատանքների կատարման ժամանակացույցերը: Անդրադարձ եղավ նաև միջպետական և համայնքային նշանակության ավտոճանապարհների սանիտարական վիճակին: Արմեն Գևորգյանը մարզպետներին հանձնարարեց մշտապես ուշադրության կենտրոնում պահել ճանապարհամերձ տարածքների սանիտարական մաքրման և աղբահանության կազմակերպման հարցերը, հաղորդում է ՀՀ ՏԿՆ հասարակայնության հետ կապերի բաժինը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |