Վարչապետն անձամբ ծանոթացել է Գյումրիի նորակառույց թաղամասում ընթացող աշխատանքներին24 մայիսի 2011 - 18:05 AMT PanARMENIAN.Net - Հայաստանի Հանրապետության վարչապետ Տիգրան Սարգսյանն մայիսի 24-ին այցելել է Գյումրիի «Մուշ 2» նորակառույց թաղամաս, ծանոթացել շինարարական աշխատանքների ընթացքին և քաղաքաշինության նախարար Վարդան Վարդանյանի ու ոլորտի պատասխանատուների մասնակցությամբ անցկացրել է աշխատանքային խորհրդակցություն: Նշենք, որ «Մուշ 2» թաղամասում նախատեսվում է կառուցել 1856 բնակարան. ըստ կնքված պայմանագրի՝ դրանց հանձնումը կկատարվի այս տարվա հոկտեմբերին: Խորհրդակցությունից հետո քաղաքաշինության նախարար Վ. Վարդանյանը լրագրողների հետ զրույցում հավաստեց, որ շինարարական աշխատանքներն ընթանում են ժամանակին, և որակով: Այնուհետև վարչապետը մասնակցել է Գյումրիի «Օյունջյան» դպրոց- վարժարանի նոր մասնաշենքի բացմանը, որը հիմնանորոգվել է բժիշկ, նյույորքահայ բարերար Հովհաննես Օյունջյանի հովանավորությամբ: Վարչապետը ՀՀ կառավարության անունից ողջունել է ներկաներին և շնորհավորել նոր մասնաշենքի կառուցման առթիվ: Նրա խոսքով կրթօջախների վերականգնումը մեծ խորհորդ ունի, որովհետև վկայում է հայ ժողովրդի շարունակականության ամուր հիմքերի մասին: Տիգրան Սարգսյանը կարևորեց բարերարների ուշադրությունը կրթօջախների նկատմամբ. «Այս կրթօջախից հարյուրավոր տաղանդաշատ երեխաներ, ծառայելով իրենց սեփական ժողովրդին, իրենց ուրույն ձեռագիրն են թողնելու, իրենց խոսքն ասելու մեր պատմության մեջ»: Կառավարության ղեկավարը նշել է, որ ժամանակակից աշխարհում ազգերի մրցակցությունը այսուհետև լինելու է ինտելեկտի և գիտելիքի ասպարեզում ու այն ազգերն են համարվում զարգացած, որոնք ունեն լավ կրթություն: Ազգանվեր գործունեության ու հայրենիքում մի շարք բարեգործական ծրագրեր իրականացնելու համար Հովհաննես Օյունջյանը պարգևատրվել է ՀՀ վարչապետի հուշամեդալով: Գյումրիի «Օյունջյան» դպրոց- վարժարանի նոր մասնաշենքի վերակառուցման համար ներդրվել է ավելի քան 800 հազար դոլար, հիմնանորոգվել է 1500 քառակուսի մետր տարածք՝ կահավորվել է ուսումնական ողջ մասնաշենքը: Վերջինում կան ոչ միայն նոր դասասենյակներ, համակրգչային սրահ, այլև լինգաֆոնային կաբինետ, նոր մարզասրահ, հաղորդում է կառավարության մամլո ծառայությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |