ԵԿԲ ղեկավարն առաջին եռամսյակում տնտեսական ակտիվության նշաններ է տեսնում եվրոյի գոտում

25 ապրիլի 2012 - 18:26 AMT

PanARMENIAN.Net - Եվրոպական կենտրոնական բանկի (ԵԿԲ) նախագահ Մարիո Դրագին տնտեսական ակտիվության կայունացման նշաններ է տեսնում եվրոյի գոտում, թեև ցածր մակարդակում: Այդ մասին Դրագին հաղորդել է տնտեսության և դրամավարկային քաղաքականության հարցերով Եվրախորհրդարանի հանձնաժողովի լսումների ժամանակ: «2012-ի առաջին եռամսյակում հասանելի ինդիկատորները հաստատում են տնտեսական ակտիվության կայունությունը ցածր մակարդակում»,- հայտարարել է Դրագին:

Նա նշել է, որ հետագայում եվրագոտում տնտեսական աճին կաջակցեն արտասահմանյան պահանջարկը, շատ ցածր տոկոսադրույքները և ԵԿԲ կողմից խթանման ոչ ստանդարտ միջոցները: Աճի տեմպերին կարող է վնասել հումքային ապրանքների համաշխարհային գների հետագա բարձրացումը, նախազգուշացրել է Մարիո Դրագին:

Պատասխանելով ԵԿԲ ոչ ստանդարտ խթանող միջոցների գնաճային էֆեկտների առիթով մտավախություններին, Մարիո Դրագին հավաստիացրել է, որ այդ միջոցները ոչ մի կերպ են հակասում եվրագոտում գնային կայունության պահպանման հիմնական գործիքին՝ բազային տոկոսադրույքներին, որոնք գտնվում են ադեկվատ մակարդակում, հաղորդում է ՌԲԿ-ն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով