«Կյանք առանց ցավի» նախաձեռնությունն այսօր անցկացրեց առաջին միջոցառումը27 մայիսի 2012 - 19:21 AMT PanARMENIAN.Net - Կոմիտասի անվան Կամերային երաժշտության տանն այսօր տեղի ունեցավ «Կյանք առանց ցավի» նախաձեռնության առաջին միջոցառումը: Նախաձեռնեւթյան անդամ Անուշ Պողոսյանը PanARMENIAN.Net ի թղթակցի հետ զրույցում ասաց, որ նախաձեռնեւթյունը սկսել է այս տարվա հունվարին. «Նպատակը մարդկանց իրենց իրավունքներին իրազեկելն է, որովհետև շատ մարդիկ կան, որոնք տառապում են ցավ առաջացնող, խրոնիկ հիվանդություններով, սակայն չգիտեն, որ կարող են օգտվել համապատասխան ցավազրկումից: Նախաձեռնության նպատակն է նաև հասնել նրան, որ մորֆինը նաև դեղահաբերի տեսքով հասանելի լինի Հայաստանում, որ մարդիկ, ովքեր իրենց կյանքի վերջին տարիներն են ապրում, չտառապեն ցավերից»: Միջոցառմանը ցուցադրվեց «Կյանք մահից առաջ» ֆիլմը, որը պատմում էր բազմաթիվ մարդկանց իրական պատմություններ, որոնք տառապում են տարատեսակ հիվանդություններով և չեն կարող օգտվել ցավազրկող դեղամիջոցներից: Միջոցառմանը ելույթ ունեցավ նաև «Հովեր» երգչախումբը, ինչպես նաև ներկայացված էին տարբեր հիվանդություններով տառապող մարդկանց մասին պատմող ֆոտոպատմություններ հայաստանյան իրականությունից: Նախաձեռնությունը նախատեսում է մոտ ապագայում մի շարք այլ միջոցառումներ կազմակերպել՝ ստորագրահավաքներ, կլոր սեղաններ: Հայաստանում շուրջ 3600 մարդ տառապում է կյանքը սահմանափակող հիվանդություններով, որոնցից 75 տոկոսը ցավազրկող դեղամիջոցներից օգտվելու կարիք ունի: Սակայն մորֆինի սահմանափակ և դեղահաբային տարբերակի բացակայության պատճառով այդ մարդիկ հաճախ իրենց կյաքի վերջին տարիներն անցկացնում են ցավերի մեջ:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր ԱԳՆ․ 2020-23-ին ականատես եղանք հերթական էթնիկ զտման քաղաքականությանն ու դրա հետևանքներին  Նշվում է, որ ՀՀ–ն շարունակում է ակտիվ ներգրավածությունը ցեղասպանության հանցագործության դեմ պայքարումՄակրոն․ Ֆրանսիայում նշում են Հայոց ցեղասպանության տարելիցը «Չմոռանաք՝ հայերն ու ֆրանսիացիները հավերժ կապված են»,–գրել է նաԷրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նաՏասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ |
