Թաթուլ Մանասերյան. Նոր կառավարության հետևողական քաղաքականությունը թույլ կտա Հայաստանին խուսափել ցնցումներից 30 մայիսի 2012 - 18:22 AMT PanARMENIAN.Net - Դրամի փոխարժեքի թուլացման վրա հիմնականում ազդել են արտաքին գործոնները, ինչպես նաև ներքին խթանները: Մայիսի 30-ին տեղի ունեցած մամլո ասուլիսում հայտարարել է տնտեսագիտական գիտությունների դոկտոր, պրոֆեսոր, «Այլընտրանք» հետազոտական կենտրոնի ղեկավար Թաթուլ Մանասերյանը: Նշենք, որ ապրիլից սկսած ազգային արժույթն աստիճանաբար արժեզրկվում էր, որի փոխարժեքը վերջերս հատեց մեկ ԱՄՆ դոլարի դիմաց 400 դրամի սահմանը: Արտաքին գործոնների թվում Մանասերյանը նշեց դեռ 2011թ. եկող միտումները՝ ԱՄՆ տնտեսության որոշակի ակտիվացումը, որի արդյունքում դոլարի դիրքերն ուժեղանում են: Միաժամանակ եվրոյի գոտում արժեզրկվում է եվրոն: Ինչ վերաբերում է ներքին խթաններին, ապա այստեղ տնտեսագետը նշեց երկրի տնտեսության «զգայունությունը» քաղաքական գործընթացների հանդեպ, նկատի ունենալով մայիսի 6-ի ընտրությունները՝ այդ դեպքերում բիզնեսն իրեն զուսպ է պահում: Այնուամենայնիվ, ըստ Թաթուլ Մանասերյանի, ազգային արժույթի թուլացումը հիմնականում սեզոնային բնույթ է կրում, երբ գյուղացիները պատրաստվում են նոր սեզոնին: «Ագրարային քաղաքականության ճիշտ իրականացման դեպքում երկրի տնտեսությունը կարող է զարգանալ ակտիվ տեմպերով, ինչը մասնակիորեն կհավասարակշռի դրամի արժեզրկումը»,-ասել է նա: Մանասերյանը նաև նշել է, որ եթե նոր կառավարությունը հետևողական քաղաքականություն վարի, Հայաստանին կհաջողվի խուսափել լուրջ ցնցումներից ինչպես դոլար/ դրամ տատանումների ոլորտում, այնպես էլ արժեզրկման: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |