FOREX CLUB-ի վերլուծաբաններ. Հայաստանը պետք է զգուշանա տնտեսական վիճակի վատթարացումից Իսպանիայում և Իտալիայում

28 հունիսի 2012 - 15:45 AMT

PanARMENIAN.Net - Աշխարհն ուշադիր հետևում է եվրոյի գոտում տիրող իրավիճակին և անհամբեր սպասում է Բրյուսելի գագաթաժողովի արդյունքներին, որն անցնում է հունիսի 28-29-ը: «Համաշխարհային տնտեսությունը լիկվիդայնության ճգնաժամ է ապրում, սակայն իրավիճակի վատթարացումը ոչ միայն Հունաստանին է սպառնում, շատ ավելի կարևոր է, թե ինչ վիճակ կլինի ԵՄ առավել խոշոր երկրներում՝ Իսպանիայում ու Իտալիայում, վերջինը տարածքով ԵՄ թվով երրորդ երկիրն է»,-ասել է FOREX CLUB-ի վերլուծաբանական կենտրոնի ղեկավար Անդրեյ Դիրգինը հունիսի 28-ին Երևանում տեղի ունեցած մամլո ասուլիսում:

Բրյուսելում մեկնարկած ԵՄ երկրների նախագահների ու վարչապետերի առաջիկա գագաթաժողովում հարց կբարձրացվի եվրոպական բանկային միություն ստեղծելու, առավել մեծ ֆինանսական ինտեգրման, ինչպես նաև պարտքերի կրճատման հիմնադրամի կազմակերպման հնարավորությունները:

Ըստ նրա, ԵՄ տնտեսությունն այժմ ավելի վատ վիճակում է, և կարող է տարին փակել ՀՆԱ բացասական ցուցանիշով, այն դեպքում, երբ ԱՄՆ տնտեսությունը, որտեղ աճում են անշարժ գույքի գները, ՀՆԱ 2,5 տոկոս աճ կարող է արձանագրել: Այնուամենայնիվ, տնտեսական աճի առաջատարը շարունակում է մնալ Չինաստանը:

Իր հերթին FOREX CLUB-ի վերլուծաբան Միքայել Վերդյանը հավելել է, որ արդեն 5 երկիր, որտեղ ճգնաժամն ահագնացել է, դիմել են միջազգային կառույցներին ֆինանսական օգնության համար: Այդ համատեքստում նա նշել է, որ համաշխարհային տնտեսական աճի տեմպերի նվազումը կարող է անմիջական ազդեցություն ունենալ Ռուսաստանի տնտեսության վրա, ինչն իր հերթին կանդրադառնա նաև Հայաստանի վրա, որի համար վերջինս գլխավոր առևտրային գործընկերն է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով