Հորդանանում անցկացվեցին Հայաստանի մշակույթի օրերը 2 հուլիսի 2012 - 17:13 AMT PanARMENIAN.Net - Հունիսի 24-30-ը Հորդանանի Հաշիմյան Թագավորությունում անցկացվեցին Հայաստանի մշակույթի օրերը: Հայաստանի մշակութային օրերն ազդարարվեց Ամմանի Մշակույթի Թագավորական կենտրոնում գեղագիտության մանկական կենտրոնի տնօրեն, արվեստագետ Արմենուհի Հարությունյան-Իգիթյանի կոլաժների ցուցահանդեսի բացմամբ: Այնուհետև նույն սրահի գլխավոր դահլիճում մեծ հանդիսավորությամբ տեղի ունեցավ մշակութային օրերի պաշտոնական բացումը: Բացման խոսքով հանդես եկան Հորդանանի մշակույթի նախարար Սալահ Ջառառը և Հորդանանում ՀՀ արտակարգ և լիազոր դեսպան Արշակ Փոլադյանը: Ելույթներից հետո ներկաներն ունկնդրեցին հայ անվանի երգահան, Երևանի պետական կոնսերվատորիայի պրոֆեսոր Ռուբեն Ալթունյանի ղեկավարած ժողգործիքների խմբի և պատանի քանոնահար, միջազգային մի շարք մրցանակների դափնեկիր Նարեկ Կազազյանի ելույթները: Հունիսի 26-ին հայ երաժիշտները Քարակ քաղաքի «Հասան» մշակույթի կենտրոնում հայ և հորդանանցի հանդիսատեսի ուշադրությանը ներկայացրին հայկական ժողովրդական ու ազգագրական երգն ու պարը: Նույն օրը Ամմանի Մշակույթի Թագավորական կենտրոնի կամերային դահլիճում տեղի ունեցավ Հորդանանում ՀՀ արտակարգ և լիազոր դեսպան Արշակ Փոլադյանի «Հայ-արաբական պատմա-մշակութային հարաբերությունները» թեմայով դասախոսությունը` արաբերեն լեզվով: Դասախոսությունը լայն արձագանք գտավ Հորդանանի գիտական և մշակութային շրջանակներում, արտատպվեց հորդանանյան մի շարք լրատվամիջոցներում: Հորդանանի կենտրոնական հեռուստատեսությանը տված երկու հարցազրույցներում ՀՀ դեսպանն անդրադարձավ հայ-արաբական հարաբերություններին ու Հորդանանում մշակույթի օրերի անցկացմանը: Հունիսի 29-ին Իրբիդ քաղաքի մշակույթի պալատում ՀՀ և Հորդանանի մշակույթի նախարարների ներկայությամբ տեղի ունեցավ Հորդանանում Հայաստանի մշակույթի օրերի պաշտոնական փակման արարողությունը, որին հետևեց համերգ: Հորդանանում Հայաստանի մշակույթի օրերը լայնորեն լուսաբանվեցին հորդանանյան տպագիր և էլեկտրոնային լրատվամիջոցների կողմից: Այդ թեմային տարբեր հրատարակումներով անդրադարձան մեկ տասնյակից ավելի ԶԼՄ-ներ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |