ԵՄ-ն Հայաստանի հետ ազատ առևտրի գոտու մասին պայմանագրի կնքումը կապում է կոռուպցիայի դեմ պայքարի հետ20 հուլիսի 2012 - 16:58 AMT PanARMENIAN.Net - ԵՄ խորհրդատվական խումբը ՀՀ էկոնոմիկայի նախարարության հետ համատեղ հուլիսի 20-ին Երևանում սեմինար էր կազմակերպել՝ նվիրված ԵՄ և Հայաստանի միջև խորը ու համապարփակ ազատ առևտրի գոտու ձևավորման շուրջ բանակցային գործընթացի մարտահրավերներին և հնարավորություններին: «Հայաստանը միշտ հայտարարել է, որ պատրաստ է ազատականացնել առևտրի ռեժիմը իր բոլոր առևտրային գործընկերների հետ»,-հայտարարել է ՀՀ էկոնոմիկայի նախարար Տիգրան Դավթյանը: Նա նշել է, որ վերջին տարիներին երկիրը շարժվում է այդ ուղղությամբ իր խոշոր առևտրատնտեսական ու ներդրումային գործընկերների հետ՝ ԱՊՀ երկրների ու ԵՄ երկրների հետ: Նրա խոսքով, զգալի առաջընթաց է նկատվում ԱՊՀ երկրների գծով՝ ազատ առևտրի գոտու մասին համաձայնագրերի շրջանակում: Բանակցությունների առաջին փուլն անցել է հունիսի 19-20-ը Բրյուսելում՝ մայիսյան զրոյական փուլից հետո: Տիգրան Դավթյանը հայտնել է նաև, որ 2012թ. տեղի կունենան բանակցությունների ևս երկու փուլ՝ Երևանում և Բրյուսելում: «Գտնում ենք, որ կարճ ժամանակահատվածում այս բանակցությունները հաջողությամբ կպսակվեն, և առաջիկա տարիներին Հայաստանը կկարողանա ազատ ռեժիմ ունենալ երկու խոշորոագույն տնտեսական համակարգերի հետ»,-ասել է նա: Իր հերթին ԵՄ ներկայացուցիչ Օննո Սիմոնսն ասաց, որ պայմանագրի կնքման ժամկետը կապված է նրանից, թե որքան հաջող կընթանան բարեփոխումները Հայաստանում սննդամթերքի անվտանգության և ֆիտոսանիտարիայի ոլորտներում: Ավելին, Ազատ առևտրի մասին պայմանագրի կնքման ճանապարհին ԵՄ-ն կարևորում է պայքարը կոռուպցիայի դեմ, որտեղ անելիքները դեռ շատ են: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին |