Այժմ Եվրոպան պետք է հասկանա, թե ինչու Ղարաբաղը երբեք չի համաձայնի ներառվել Ադրբեջանի կազմում 3 սեպտեմբերի 2012 - 20:31 AMT PanARMENIAN.Net - ՀՅԴ պատգամավոր, Եվրանեստի Բյուրոյի անդամ, Եվրանեստի Խորհրդարանական վեհաժողովի փոխնախագահ Վահան Հովհաննիսյանը նամակ է հղել Եվրոպական խորհրդարանում հունգարական պատվիրակության անդամներին: Վահան Հովհաննիսյանի նամակում, մասնավորապես, ասվում է. «Հարգելի գործընկերներ: Ցավով եմ գրում ձեզ այս նամակը, քանի որ զգում եմ, որ հայերի և հունգարացիների միջև բարեգամության ոգին գրեթե անհետացել է` կապված վերջին իրադարձությունների հետ: Ինչպես դուք հրաշալի հասկանում եք, նակտի ունեմ Ռամիլ Սաֆարովի արտահանձնումը Ադրբեջանին, ով ձեր երկրում ցման ազատազրկման էր դատապարտվել ՀՀ ԶՈւ սպա Գուրգեն Մարգարյանին դաժանորեն սպանելու կապակցությամբ: Ինչպես գիտեք, նա ձեր երկրում դատապարտվել է նրա համար, որ սպանել է լեյտենանտ Մարգարյանին, երբ վերջինս քնած է եղել: Դաժան սառնասրտությամբ նախապես ծրագրված սպանությունը կարող է հաեմատվել միայն ադրբեջանցու մոտ խղճի խայթի և զղջման լիակատար բացակայության հետ: Վերջին 8 տարիների ընթացքում ադրբեջանցի պաշտոնյաները, քաղաքական առաջնորդները, հայտնի հասարակական գործիչները բազմիցս իրենց հիացմունքն են արտահայտել այս զազրելի արարքի կապակցությամբ: Այս կերպ, Հունգարիայում ոչ ոք անգամ չէր կարող կասկածել, որ Սաֆարովին Բաքվին վերադարձնելու դեպքում, կընդունվի որպես հերոս, իսկ այս վախկոտ սպանությունը` որպես հաղթանակ և գալիք սերունդների համար հպարտության աղբյուր: Դա էլ հենց տեղի ունեցավ այն բանից հետո, ինչ ձեր երկիրը որոշեց Սաֆարովին ուղարկել Բաքու, այսինքն` ազատել: Ես չեմ պատրաստվում կանգ առնել Սաֆարովի արտահանձնման իրավական կողմի վրա, որը, բացի արդարադտության նորմերի խախտումից, Ադրբեջանի կառավարության համար վտանգավոր նշան է շարունակել սադրել` սեփական ժողովրդին Հայաստանի և Լեռնայի Ղարաբաղի նկատմամբ բռնության դրդելով: Հունգարական իշխանությունների գործողությունների հետևանքները ոչ միայն կանխատեսելի էին, այլ նաև ակնհայտ, ուստի Հունգարիան լիովին պատասխանատու է նրա համար, որ ցմահ ազատազրկման դատապարտված մարդասպանը բանտում անգամ 10 տարի չի մնացել, ինչպես նաև այն քայլերի համար, որոնց կդիմի Ադրբեջանի ռազմական ռեժիմը, որն էյֆորիկ վիճակում է Սաֆարովի ազատման կապակցությամբ: Մեր եվրոպացի գործընկերների հետ կիսվող ընդհաուր արժեքներին հասցված վնասն այնքան մեծ է, որ չեմ կարծում, թե ինչ-որ ուշացած արձագանք կփոխհատուցի այն հիասթափությունն ու վրդովմունքը, որն առաջացել է: Սակայն հիմա, երբ Ադրբեջանում մարդասպանն ազգային հերոս է ճանաչվել, Հունգարիայի և այլ եվրոպական երկրների հանրությունը պետք է հասկանան պատճառները, թե ինչու Լեռնային Ղարաբաղի հայերը երբեք չեն համաձայնի ներառվել Ադրբեջանի կազմում»: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |