ՏՆՏԵՍՈՒԹՅԱՆ ԱՃԻ ԲԱՐՁՐ ՏԵՄՊԵՐԻ ՇՆՈՐՀԻՎ ՀԱՅԱՍՏԱՆՈՒՄ ՏԱՐԵԿԱՆ ՍՏԵՂԾՎՈՒՄ ԵՆ ՏԱՍՆՅԱԿ ՀԱԶԱՐԱՎՈՐ ՆՈՐ ԱՇԽԱՏԱՏԵՂԵՐ, ՀԱՅՏԱՐԱՐԵԼ Է ՀՀ ՆԱԽԱԳԱՀԸ26 փետրվարի 2005 - 17:41 AMT PanARMENIAN.Net - Վերջին 4 տարվա ընթացքում Հայաստանում դիտարկվում է ՀՆԱ-ի տարեկան միջինը 11,7 տոկոս աճ: ՀՆԱ-ի մոտ 40 տոկոսը ձեւավորվում է փոքր եւ միջին բիզնեսի կողմից, «դա բազմահազար ձեռներեց եւ եռանդուն մարդիկ են»,-հայտարարել է Հայաստանի նախագահ Ռոբերտ Քոչարյանը «Գոլոս Արմենիի» թերթին տված հարցազրյուցում: Նրա խոսքերով, երկրում գրանցված են 50 հազար տնտեսվարող սուբյեկտներ, նրանցից աշխատում եւ հարկեր են մուծում ավելի քան 34 հազարը: Միայն 2004 թվականին գրանցվել են ավելի քան 1,5 հազար նոր ֆիրմաներ,-նշել է Ռոբերտ Քոչարյանը: Ինչպես նշել է ՀՀ ղեկավարը, շնորհիվ տնտեսության աճի բարձր տեմպերի, Հայաստանում տարեկան ստեղծվում են տասնյակ հազարավոր նոր աշխատատեղեր: «Այսօր մի շարք մասնագիտությունների գծով մենք ունենք որակավորում ունեցող աշխատողների մեծ պակաս: Սուր է դրված պրոֆտեխկրթության վերականգնման հարցը: Մենք չենք հասցնում տնտեսության զարգացմանը մի շարք ուղղությունների գծով»,-նշել է Ռոբերտ Քոչարյանը: Բացի այդ նախագահը նշել է, որ այսօր ՀՆԱ-ի ծավալում տեղեկատվական տեխնոլոգիաների մասը կազմում է 1,7 տոկոս: «Լավագույն ցուցանիշը Իռլանդիայում է` 8 տոկոս: Որին էլ մենք ձգտում ենք»,-ավելացրել է Ռ.Քոչարյանը: Պատասխանելով այն հարցին, թե երկաթուղային ուղիների անցկացման շատ նախագծեր շրջանցում են Հայաստանը` ՀՀ նախագահը նշել է, որ «դեռեւս ոչ մի երկաթուղային նախագիծ մեզ չի շրջանցել»: «Քննարկվում է հնարավոր շինարարությունը մի շարք նախագծերով: Սակայն խոսքը գնում է քննարկման մասին եւ նախագծերի, որոնք հսկայական ծախսեր են պահանջում: Գործող երկաթուղային ուղիները կապված են Հայաստանի հետ եւ չեն պահանջում խոշոր կապիտալ ծախսեր: Դրանք սառեցված են քաղաքական պատճառներով եւ ցանկացած պահի կարող են իրականում աշխատել: Դա անհերքելի առավելություն է ցանկացած նախագծի հաշվարկներում: Հայկականից բացի, այլ երակթուղային ուղի «Հյուսիս-Հարավ» միջանցքով ուղղակի չկա: Այդ պատճառով էլ ակտիվացել են նորերը կառուցելու վերաբերյալ խոսակցությունները: Ի դեպ, ես ողբերգություն չեմ տեսնում նաեւ այն դեպքում, եթե դրանք կառուցվեն` մեր երթուղին մրցունակ կլինի»,-ավելացրել է Ռոբերտ Քոչարյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |