Գագիկ Բեգլարյան. Հայաստանը մինչև 2015թ. ամբողջությամբ պետք է անցնի թվայնացման18 սեպտեմբերի 2012 - 16:11 AMT PanARMENIAN.Net - ԱՊՀ անդամ-պետությունների Կապի տարածաշրջանային համագործակցության (ԿՏՀ) Միջազգային համագործակցության հարցերով հանձնաժողովի 26-րդ նիստը Երևանում տեղի է ունեցել սեպտեմբերի 17-18-ին, որին ներկա էին Հայաստանի Հանրապետության տրանսպորտի և կապի նախարար Գագիկ Բեգլարյանը, Հեռահաղորդակցության միջազգային միության (ՀՄՄ) գլխավոր քարտուղար Համադան Թուրեն: Նիստի աշխատանքներին մասնակցում էին նաև Հայաստանի, Ռուսաստանի, Բելառուսի, Ուկրաինայի, Ղրղզստանի, Կապի տարածաշրջանային համագործակցության Գործադիր կոմիտեի, ինչպես նաև դիտորդ Եվրոպական օպերատորների ասոցիացիայի ներկայացուցիչները: ՀՀ տրանսպորտի և կապի նախարար Գագիկ Բեգլարյանը ՀՀ կառավարության անունից ողջունել է Կապի տարածաշրջանային համագործակցության միջազգային հարցերով հանձնաժողովի 26-րդ նիստի մասնակիցներին: «Մեզ համար հաճելի է հանձնաժողովի նիստը Երևանում կազմակերպելու որոշումը, և ես շնորհակալություն եմ հայտնում Հայաստան այցելելու համար: ՀՀ կառավարությունը մեծ նշանակություն է տալիս Կապի տարածաշրջանային համագործակցությանը»,-նշել է նախարարը: Նա ընգծել է, որ տարեցտարի զգալիորեն աճում է Կապի տարածաշրջանային համագործակցության դերը միջազգային ասպարեզում, առաջիկայում նախատեսվում են նաև շատ կարևոր միջոցառումներ, որոնցից են 2012թ. նոյեմբերի 20-29-ը և դեկտեմբերի 3-14-ը Դուբայում կայանալիք Էլեկտրակապի ստանդարտացման համաշխարհային վեհաժողովը և Միջազգային էլեկտրակապի Համաշխարհային համագումարը: Այդ տեսանկյունից Գագիկ Բեգլարյանը կարևորել է նիստի աշխատանքները` միասնական և արդյունավետ որոշումներ մշակելու հարցում: Լրագրողների հետ զրույցում Հեռահաղորդակցության միջազգային միության գլխավոր քարտուղար Համադան Թուրեն նշել է, որ համացանցը մեծ զարգացում է ապրում Հայաստանում, որի համար նշանակություն ունի նաև երկրի աշխարհագրական դիրքը: Ըստ նրա, «Հեռահաղորդակցության միջազգային միությունը շատ բարձր է գնահատում Հայաստանի առաջընթացն այս ոլորտում: ՀՀ նախագահ Սերժ Սարգսյանի, տրանսպորտի և կապի նախարար Գագիկ Բեգլարյանի հետ համագործակցության լայն շրջանակներ ենք քննարկել, որոնցից է անալոգային տեխնոլոգիաներից անցումը թվայինին»: Նա ընդգծել է, որ ՀՄՄ-ն Հայաստանի հետ համագործակցության շատ մեծ և արդյունավետ պատմություն ունի: Գագիկ Բեգլարյանը լրագրողներին վստահեցրել է, որ Հայաստանը տարբեր ոլորտներում շարունակելու է համագործակցությունը Հեռահաղորդակցության միջազգային միության հետ: «Համադան Թուրեի հետ մենք ձեռք ենք բերել պայմանավորվածություն, որ հայ երիտասարդները մեկնելու են գործուղման`թվայնացման ոլորտում առկա խնդիրները վերացնելու համար: Սա շատ կարևոր էր ՀՀ տրասնպորտի և կապի նախարարության համար, քանի որ Հայաստանը մինչև 2015թ. ամբողջությամբ պետք է անցնի թվայնացման»,-նշել է նախարարը: ԿՏՀ Միջազգային համագործակցության հարցրերով հանձնաժողովի շրջանակներում մասնակից-պետությունների ներկայացուցիչները մշակել և համաձայնեցրել են ԱՊՀ անդամ-պետությունների համար շահավետ միասնական դիրքորոշումներ, որոնք համատեղ ներկայացվում են Հեռահաղորդակցության միջազգային միության շրջանակներում կազմակերպվող համաշխարհային համաժողովների և համագումարների քննարկմանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |