Սեպտեմբերի 20-ին կբացվի Մատենադարանի հիմնանորոգված հին շենքը18 սեպտեմբերի 2012 - 16:14 AMT PanARMENIAN.Net - 2012 թ. սեպտեմբերի 20-ին` ժ. 16.00-ին, տեղի կունենա «Մատենադարան» Մեսրոպ Մաշտոցի անվ. հին ձեռագրերի գիտահետազոտական ինստիտուտի հիմնանորոգված հին կառույցի պաշտոնական բացումն ու ՀՀ նախագահ Սերժ Սարգսյանի, բարձրաստիճան հոգևորականների ու պաշտոնատար անձանց այցը: Կառույցի շահագործման մեկնարկը տրվելու է Մատենադարանի նոր գիտական մասնաշենքի բացումից ճիշտ մեկ տարի անց, ինչպես և հայտնել էր հանրապետության նախագահը նոր մասնաշենքի հանդիսավոր բացման արարողության իր ելույթում: Հիմնական շենքը գործելու է իբրև թանգարանային համալիր` աննախադեպ հնարավորութուն ընձեռելով հայ և համաշխարհային պատմամշակութային արժեքների հանրահռչակման ռազմավարության իրականցման համար: Նախկին մեկ հիմնական ցուցասրահի փոխարեն գործելու են տասնհինգ ցուցասրահներ (Արցախի, Վասպուրականի, Արևելյան մանրանկարչության, Միջնադարյան քարտեզների, Բժշկագիտության, Հնատիպ գրքերի, Արխիվային փաստաթղթերի, Նվիրատվությունների և այլն): Առաջին անգամ գործելու է «Վիրտուալ Մատենադարան» ցուցասրահը, որ զգալիորեն նպաստելու է ցուցադրվող նմուշների յուրացմանը, Մատենադարանի, հայ գրչության կենտրոնների ու գրավոր մշակույթի վերաբերյալ տեղեկության տարածմանը, տարաբնույթ կրթական ծրագրերի իրականացմանը: Բացման կապակցությամբ կազմակերպված ցուցադրություններում ներկայացված են Մատենադարանի հավաքածուների լավագույն ձեռագրական նմուշները, առանձնապես արժեքավոր և հազվագյուտ արխիվային փաստաթղթերը, հնատիպ գրքերի բացառիկ օրինակները, որ արտացոլում են ոչ միայն հայոց մշակութային ժառանգությունը, այլև օտար ազգերի հոգևոր, պատմական ու քաղաքական իրողությունները: Հիմնական ցուցադրություններից բացի կազմակերպվելու են նաև ժամանակավոր թեմատիկ ցուցադրություններ: Սրահները նորոգվել են ձեռագիր և տպագիր ժառանգության պահպանման արդի չափանիշների նկատառումով` լուսակարգավորիչ, ջերմախոնավային պայմանակարգի վերահսկման, հակահրդեհային, ազդանշանային և շուրջօրյա տեսահսկողությունն ապահովող սարքերով: Հին հիմնանորոգված շենքի շահագործմամբ Մատենադարանն ամբողջանում է իբրև հայ հոգևոր արժեքների պահպանման ու հանրահռչակման համալիր, հայագիտական կենտրոն և մշակութային գերակա արժեք` գիտական և թանգարանային առաջնակարգ հաստատությունների արդի չափանիշներին համապատասխան: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Փոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունը Քննարկվել են ՀՀ-ԱՄՆ երկկողմ առևտրի ծավալների ավելացման հարցեր Հանդիպման ընթացքում զրուցակիցներն անդրադարձել են Հայաստանի տնտեսության դիվերսիֆիկացման ընթացքին Փաշինյան․ Ցնցված եմ Սլովակիայի վարչապետի վրա հարձակումից Նա նշել է, որ բռնությունը տեղ չունի քաղաքականության մեջ ԱԳՆ. Վրաստան այցելելու համար ապահովագրության պահանջը դեռ պարտադիր չէ Նշվում է, որ հունիսի 1-ի ժամկետը հաստատված չէ, դիտարկվում են ավելի ուշ ժամկետներ |