Հայաստանի գյուղատնտեսության ոլորտում կկիրառվի Եվրամիության փորձը19 սեպտեմբերի 2012 - 16:38 AMT PanARMENIAN.Net - Այսօր ‹‹Արմենիա Մարիոթ›› հյուրանոցում աշխատանքն սկսեց «ԵՄ փորձի միջոցով Հայաստանում գյուղատնտեսության մրցունակության բարելավում» թեմայով սեմինարը: Եվրոպական միության TAIEX ծրագրի աջակցությամբ ՀՀ գյուղատնտեսության նախարարության կողմից կազմակերպված սեմինարին գյուղատնտեսության ոլորտի տեղի պատասխանատուներից և մասնագետներից բացի, մասնակցում են նաև փորձագետներ ԵՄ անդամ երկրներից՝ Ֆինլանդիայից, Ռումինիայից, Լեհաստանից: Ողջունելով սեմինարի մասնակիցներին և կազմակերպիչներին, բացման խոսքում, ՀՀ գյուղատնտեսության նախարար Սերգո Կարապետյանը հակիրճ ներկայացրեց Հայաստանի գյուղատնտեսության ցուցանիշներն ու ներուժը, կարևորելով Եվրոպական միության հետ վերջինիս ինտեգրման անհրաժեշտությունը: Անդրադառնալով գյուղատնտեսության ոլորտի խնդիրներին՝ կապված առկա ռեսուրսային ներուժի , հատկապես հողային ռեսուրսների արդյունավետ օգտագործման, գյուղատնտեսության ճյուղերի ինտեսիվացման և արդյունավետության բարձրացման, արտադրանքի իրացման, մատչելի վարկային ռեսուրսների ապահովվածության, ճյուղում օգտագործվող կարևորագույն ռեսուրսների մատչելիության ու տեխնիկական ապահովվածության մակարդակի բարձրացման և այլ գործոնների հետ, նա մասնավորապես նշեց. «Վերը հիշատակված խնդիրների լուծման գործընթացում չափազանց կարևորվում է Եվրամիության փորձի ուսումնասիրումը և դրանց կիրառման հնարավորությունների գնահատումն ու լավագույն փորձի ներդրումը, որը անշուշտ կնպաստի գյուղատնտեսության առջև ծառացած խնդիրների աստիճանական լուծմանը և ոլորտի մրցունակության բարձրացմանը: Հիշատակվածի առնչությամբ կարևորվում է Եվրոպական միության փորձը գյուղատնտեսության և գյուղի զարգացման քաղաքականության մշակման, ինստիտուցիոնալ կառույցների ձևավորման, ագրարային ոլորտում ծրագրերի ներդրման , այդ գործընթացում շահագրգիռ կառույցների ներգրավման, գյուղատնտեսության խորհրդատվական համակարգի զարգացման, մարքեթինգի ներդրման, օրգանական գյուղատնտեսության զարգացման , ապահովագրական համակարգի ներդրման և այլ ուղղություններով: Հայաստանի համագործակցությունն Եվրոպական միության հետ մշտապես եղել է միջազգային ինտեգրման առանցքային ուղղություններից և այն ի թիվս այլ ուղղությունների ծառայում է երկկողմ առևտրատնտեսական կապերի խորացման, տնտեսության բարելավման և կատարելագործման նպատակին»: Երկու օրվա ընթացքում սեմինարի մասնակիցները կքննարկեն գյուղական զարգացման քաղաքականության և ազգային ռազմավարության հիմնական բաղադրիչների մշակման, վարչական կառուցվածքների և ընթացակարգերի բարելավման նպատակով գյուղական զարգացման ծրագրերի մշակման, իրականացման և կառավարման, ինչպես նաև, ագրարային համակարգի համաչափ զարգացմանն անհրաժեշտ այլ կարևոր հարցեր ու առաջարկներ, հաղորդում է գյուղատնտեսության նախարարության մամլո ծառայությունը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |