Դեմոկրատական կուսակցության համագումարից հետո Բարաք Օբամայի վարկանիշը թեև բարձրացել է, սակայն ոչ շատ

PanARMENIAN.Net - ԱՄՆ նախագահ Բարաք Օբամայի վարկանիշի որոշակի բարձրացումը Դեմոկրատական կուսակցության համագումարից հետո այնքան էլ մեծ չէր, իսկ այժմ առաջընթաց չկա: Այդ մասին են վկայում նոր սոցիոլոգիական հարցումները, այդ թվում` USA Today պարբերականի և Gallup ընկերության կողմից անցկացված համատեղ հարցումը:

Մեկնաբանելով հարցման արդյունքները` USA Today-ը հիշեցնում է, որ հաշվի չի առնվել Ռոմինիի վերջրես թույլ տված սխալ հայտարարությունը, որտեղ նա ամերիկացիների գրեթե կեսին թուլամորթներ է անվանել, ովքեր չեն ցանկանում պատասխանատվություն կրել սեփական բարեկեցության համար: Շատերը կարծում են, որ այդ արտահայտությունը, որից Ռոմնին դեռևս չի հրաժարվել, կարող է շատ թանկ արժենալ ԱՄՆ նախագահի հանրապետական թեկնածուին: