Հայաստանը կլուծի մսի և ձվի խնդիրը կառավարական ծրագրի օգնությամբ, խոստանում է Սերգո Կարապետյանը26 սեպտեմբերի 2012 - 17:12 AMT PanARMENIAN.Net - 2011-ին հանրապետության պետական բյուջեի կատարման մասին տարեկան հաշվետվությունները ներկայացնելիս ՀՀԿ պատգամավոր Վահրամ Բաղդասարյանը բարձրացրել է Հայաստանը թռչնամսով և ձվերով ինքնապահովելու հարցը: «Մենք տեղի մսի արտադրության լուրջ պահանջարկ ունենք: Արտահանող երկրից մենք վերածվել ենք ներկրողի: Նույնիսկ անզեն աչքով կնեդանաբուծության ոլորտում կարելի է անկում նկատել»,- հայտարարել է պատգամավորը: Նրա խոսքով, Լոռու և Շիրակի մարզերում կենդանաբուծության զարգացման պահանջարկ կա, հակառակ դեպքում «մենք դատարկ գյուղեր կունենանք»: Իր հերթին Հայաստանի գյուղատնտեսության նախարար Սերգո Կարապետյանը հաղորդել է, որ այսօրվա դրությամբ Հայաստանը ներկրում է թռչնամսի 55 տոկոսը` ներքին շուկայի պահանջարկն ապահովելու համար: Նա նշել է, որ մինչև 2012-ը կենդանաբուծության ոլորտում, հատկապես թռչնամսի արտադրության մեջ, անկում է արձանագրվել: Նախարարը դա կապել է նրա հետ, որ կառավարական ծրագրից հանվել է դրանց վակցինացիան, ինչը հանգեցրել է դրանց 30 տոկոս կրճատման: Դրա հետ կապված նա նաև հավելել է, որ արդեն մշակվել է կենդանաբուծության և թռչնաբուծության զարգացման ծրագիր, որը կներկայացվի կառավարության հաստատմանը: Ինչ վերաբերվում է ձվերի արտադրությանը, ապա Կարապետյանի խոսքով արդեն 2011-ից Հայաստանն ապահովում է ներքին շուկան: Ավելին, նրա խոսքով, 2011-ին Հայաստանը ԱՊՀ երկրների շարքում զբաղեցրել է առաջին տեղը տավարի գլխաքանակի աճի տեմպերով: «2011-ին 2010-ի համեմատ խոշոր եղջերավոր անասունի գլխաքանակն ավելացել է 58 հազար գլխով, մանր եղջերավոր անասունի գլխաքանակը` 62 հազարով, իսկ կովերի գլխաքանակը` 30 հազարով»,- հաղորդել է նախարարը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |