Ամփոփվեցին «Ռուսաստան և Հայաստան. Միջտարածաշրջանային երկխոսություն 2012» համաժողովի արդյունքները13 հոկտեմբերի 2012 - 18:22 AMT PanARMENIAN.Net - Հոկտեմբերի 12-ից 13-ը ՌԴ նախագահի վարչակազմի և ՀՀ նախագահի աշխատակազմի հովանավորությամբ Երևանում տեղի ունեցավ «Ռուսաստան և Հայաստան. Միջտարածաշրջանային երկխոսություն 2012» խորագրով հայ-ռուսական 2-րդ ֆորումը: Ֆորումի աշխատանքին մասնակցում էին Ռուսաստանի և Հայաստանի պետական իշխանության կենտրոնական և տարաժաշրջանային մարմիններ, բիզնես-կառույցներ, ՀՆ-ներ, փորձագիտական և գիտական շրջանակներ և ԶԼՄ-ներ ներկայացնող 300 մարդ: Այսօր մասնակիցներն ամփոփեցին համաժողովի աշխատանքը: ՌԴ նախագահի աշխատակազմի միջտարածաշրջանային և մշակութային կապերով վարչության պետ Վլադիմիր Չերնովը նշեց, որ քննարկվել են միջտարածաշրջանային առևտրատնտեսական և հումանիտար համագործակցության հետագա ընդլայնման, տրանսպորտի և էներգետիկայի ոլորտում Ռուսաստանի և Հայաստանի փոխգործակցության հարցերը: «Արդյունքներ կարող են ձեռք բերվել ազատ առևտրի ինստիտուտի լիարժեք օգտագործման, աշխատուժի և կապիտալների տեղաշարժն ապահովող բարենպաստ պայմանների ստեղծման, փոխադարձ ներդրումների գրավման, միջտարածաշրջանային ոլորտում կոոպերացիոն կապերի զարգացման շնորհիվ», - ասաց Չերնովը: Մասնակիցները նշեցին, որ ֆորումը նպաստեց ռուս և հայ գործընկերների միջև կապերի ընդլայնմանն ու խորացմանը, և դեռ կնպաստի հատկապես գործակցությանը էներգետիկայի և բեռնափոխադրումների ոլորտում: Տարածքային կառավարման նախարարի առաջին տեղակալ Վաչե Տերտերյանի խոսքով` երկկողմանի տնտեսական ծրագրերի և նախագծերի իրականացմանը կհետևի նոր արտադրությունների և ձեռնարկությունների ստեղծումը, փոքր և միջին բիզնեսի ներուժի ակտիվացումը: Համաժողովի մասնակիցները որոշեցին ստեղծել շարունակական սկզբունքով գործող համատեղ խումբ, որը պետք է իրականացնի դրա ընթացքում ձեռք բերված պայմանավորվածությունների վերահսկողությունը: Որոշվեց նաև հայ-ռուսական միջտարածաշրջանային երրորդ ֆորումը անցկացնել 2013 թվականին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը «Թափ առած շարժումը ուղղակի մերժումն է ժողովուրդին կողմից՝ իր հաշվին կայացվող որոշումների»,–ասվում է հայտարարության մեջ Մայիս Ներսիսյանը ոսկե մեդալ է նվաճել սամբոյի ԵԱ–ում․ ՀՀ-ն 9 մեդալ ունի Ֆեդերացիայի նախագահ Միքայել Հայրապետյանն ընտրվել է Եվրոպայի ֆեդերացիայի փոխնախագահ Փաստաբան․ Ազատի զինկացարանում հրդեհի գործով մեղադրանք է առաջադրվել հերթապահ ժամկետայինի Նա նշել է, որ զոհված 15 զինծառայողի ծնողների հետ միասին մինչև վերջ հետամուտ են լինելու գործի բացահայտմանը |