Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը11 մայիսի 2024 - 12:19 AMT PanARMENIAN.Net - Հունահայոց Ազգային առաջնորդարանը, Հայ Կաթողիկե եկեղեցին, մի շարք կազմակերպություններ իրենց զորակցությունն են հայտնել «Տավուշը հանուն հայրենիքի» շարժմանը։ «Օրեր շարունակ հետևում ենք մեր հայրենիքում կատարվող դեպքերին, խոր մտահոգությամբ լսելով սահմանազատման գործընթացի մասին։ Ինչպես հայտնի է, Տավուշի մարզի չորս սահմանամերձ գյուղերն Ադրբեջանին հանձնելու քայլերը ցույց կտան անվերապահ հանձնողունակության քաղաքականությունը որդեգրած Հայաստանի իշխանությունների կողմից, ընկրկելով ադրբեջանական ճնշումների և սպառնալիքների առջև։ Տավուշի թեմի առաջնորդ Բագրատ արք. Գալստանյանի գլխավորած «Տավուշը հանուն Հայրենիքի» լոզունգով թափ առած շարժումը, ուղղակի մերժումն է ժողովուրդին կողմից՝ իր հաշվին կայացվող որոշումների։ Երբ ժողովուրդը ոտքի է կանգնում, դա անում է Հայաստանի տարածքային ամբողջականությունը, ինքնիշխանությունը, անկախությունը և ամբողջ հայության արժանապատվությունը պաշտպանելու համար։ Այս ճակատագրական հանգրվանին մեր զորակցությունն ենք հայտնում բոլոր ջանքերին, որոնք նպատակ ունեն մեր արժեքները պաշտպանելու, Հայաստանի Հանրապետության տարածքային ամբողջականությունն ու անվտանգությունն ամուր պահելու և ազգային մեր միասնականությունն ամրապնդելու»,–ասվում է հայտարարության մեջ։ «Տավուշը հանուն հայրենիքի» շարժումը, որը դեմ է հանդես գալիս Տավուշում մեկնարկած հատվածական սահմանազատմանը, և որի երթը դեպի Երևան առաջնորդում էր ՀԱԵ Տավուշի թեմի առաջնորդ Բագրատ սրբազանը մայիսի 9-ին հասել է մայրաքաղաք, որտեղ բազմամարդ հանրահավաք է անցկացրել Հանրապետության հրապարակում։ Բացի սահմանազատումը կասեցնելու պահանջից, հնչել է նաև վարչապետ Նիկոլ Փաշինյանի հրաժարականի պահանջը, որի համար «տրվել է մեկ ժամ ժամանակ», որը հետո ավելացվել է 20 րոպեով։ ՔՊ խմբակցության ղեկավարն արձագանքել է վարչապետի հրաժարականի պահանջին՝ ֆեյսբուքյան իր էջում հրապարակելով Փաշինյանի լուսանկարը ՝ «ՀՀ ընտրված վարչապետ» գրությամբ։ Դրան հաջորդել են ՔՊ–ականների նմանատիպ հրապարակումները։ Բագրատ սրբազանը, ընդդիմադիր պատգամավորների հետ խորհրդակցելուց հետո, դիմելով հանրահավաքի մասնակիցներին, հայտարարել է, որ առաջիկա օրերին Ազգային ժողովում նախաձեռնվելու է վարչապետին անվստահություն հայտնելու գործընթաց։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Փաշինյան․ Սահմանազատումով վերարտադրվում է ՀՀ պետսահմանը, զիջում անվանելն անտրամաբանական է Նա նշել է, որ 1991–ի դրությամբ դե-յուրե գոյություն ունեցող սահմանները Հայկական ԽՍՀ-ի և Ադրբեջանական ԽՍՀ-ի միջև սահմաններն են Փաշինյան․ Պապ թագավորն այլևս չի սպանվելու՝ ինչ վեղար էլ հագնեն, քանի կգ-անոց խաչ էլ դոշներից կախեն Նա ասել է, որ այսօրվա ՀՀ–ն Պապ թագավորի երազանքի իրագործումն է Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: |