ՍՏԵՂԾՎԵԼ Է ՄԵՐՁԴՆԵՍՏՐԻ ՀԱՅԵՐԻ ՄԻՈՒԹՅՈՒՆ28 ապրիլի 2005 - 07:17 AMT PanARMENIAN.Net - 2005 թվականի ապրիլի 24-ին Գրիգորիոպոլ քաղաքում (չճանաչված Մերձդնեստրի Մոլդովայի հանրապետություն) ստեղծվել է Մերձդնեստրի հայերի միություն, հաղորդել է Միության անդամ Էրնեստ Վարդանյանը: Տարբեր տվյալներով, այդ չճանաչված հանրապետությունում (իրավաբանորեն Մոլդովայի Հանրապետության մաս) բնակվում է շուրջ հազար հայ: Առաջին հայկական բնակավայրը Մերձդնեստրում հայտնվել է 1792 թվականի հուլիսի 25-ին, երբ Ռուսաստանի կայսրուհի Եկատերինա Մեծի հրամանագրով հիմնվել է քաղաք, որի ստեղծմանը մասնակցել են հայ վերաբնակներ: Այդ պատճառով էլ բնակավայրը ստացել է «Գրիգորիոպոլ» անվանումը` առաջին Ամենայն Հայոց կաթողիկոս Գրիգոր Լուսավորչի պատվին: Ապրիլի 24-ի ժողովին Մերձդնեստրի հայ համայնքի ներկայացուցիչները մեկ րոպե լռությամբ հարգել են Հայոց ցեղասպանության անմեղ զոհերի հիշատակը, ծաղիկներ են դրվել Գրիգորիոպոլի հին հայկական եկեղեցում: Այնուհետեւ հավաքվածները որոշել են ստեղծել Մերձդնեստրի հայերի միություն, որի կազմի մեջ են մտել Գրիգորիոպոլ, Տիրասպոլ (Մերձդնեստրի մայրաքաղաք) եւ Դուբոսարներ քաղաքների համայանքները: Հետագայում նախատեսվում է ներառել Բենդերի, Ռիբնիցա եւ Կամենկա քաղաքների համայնքները: Հայերի միության վարչության նախագահ է ընտրվել տիրասպոլցի գործարար Գեղամ Գեւորգյանը, վարչության կազմի մեջ են մտել նաեւ Ռոբերտ Կիրակոսյանը (բժիշկ Գրիգորիոպոլից), Նիկոլայ Սեֆերյանցը (Գրիգորիոպոլի ժողովրդական պատգամավորների խորհրդի նախկին նախագահ), Թամարա Շաղոյան (Տիրասպոլի տեսական լիցեյի ուսուցիչ), Էռնեստ Վարդանյան (Մերձդնեստրի ռադիոյի աշխատակից, ք.Տիրասպոլ), ինչպես նաեւ Դուբոսարի համայնքի ներկայացուցիչներ: Բացի վարչությունից, ստեղծվել է Համայնքի խորհուրդ, որը կհավաքվի տարին երկու անգամ` ապրիլի 24-ին եւ հոկտեմբերի 13-ին, Գրիգոր Լուսավորչի օրը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |