Ռուսական կենսագրական ինստիտուտը հայտարարել է «Տարվա մարդ 2012» ազգային մրցանակաբաշխության դափնեկիրներին: Նրանց թվում են Ռուսաստանի, Ղազախստանի և Բելառուսի նախագահները` ԵվրԱզԷս-ի և Մաքսային միության ստեղծման համար, Ռուսաստանի ժողովրդական արտիստ Իոսիֆ Կոբզոնը` Մշակույթի և արվեստի ոլորտում բեղուն գործունեության համար և այլք:
«Տարվա կազմակերպություն» անվանակարգում մի շարք ռուսական կազմակերպությունների կողքին հաղթողներ են դարձել Կարեն Շահնազարովի կողմից ղեկավարվող «Մոսֆիլմ» կինոկոնցեռնը` ռուսական կինեմատոգրաֆիայի զարգացման գործում ունեցած ավանդի համար, ինչպես նաև Արա Աբրահամյանի ղեկավարած «Ռուսաստանի հայերի միություն» համառուսական հասարակական կազմակերպությունը և այլն:
Մրցանակը սահմանվել է 1993թ և շնորհվում է 20-րդ անգամ: