«Մանկական Եվրատեսիլում» Compass band-ը հանդես կգա «Բիթլզի» ոճով (վիդեո)  23 նոյեմբերի 2012 - 17:31 AMTPanARMENIAN.Net - «Մանկական Եվրատեսիլ 2012» երգ միջազգային մրցույթում հայաստանյան մասնակից Compass band-ը կներկայանա «Բիթլզի» ոճով: Ինչպես այսօր ասուլիսում հայտնեց Հայաստանում «Եվրատեսիլ» նախագծի պատասխանատու Գոհար Գասպարյանը, «Խմբի «Sweetie baby» մրցութային երգի հիման վրա նկարահանված տեսահոլովակը նույնպես այդ ոճով է նկարահանված: Երկուշաբթի մեր պատվիրակությունը կմեկնի Ամստերդամ, որտեղ մեկ շաբաթվա ընթացքում կնկարահանվեն տեսաբացիկները: Բացի այդ, մասնակիցները մշտապես տեսախցիկների ուշադրության կենտրոնում են լինելու, քանի որ համերգի ժամանակ ցուցադրվելու են նաև վավերագրական կադրեր»,- նշեց նա` հավելելով, որ պատվիրակության կազմում կմեկնեն նաև մասնակիցների ծնողներն ու Չեխովի անվ. դպրոցից նրանց ընկերները` տնօրեն Գայանե Սարուխանյանի գլխավորությամբ: Compass band-ի մասնակիցներն իրենց հերթին նշեցին, որ ձգտում են ոչ թե կրկնօրինակել, այլ նմանվել «Բիթլզին», որի երաժշտությունը հեշտ մարսելի են համարում հանդիսատեսի համար: «Մենք կանենք ամեն ինչ, որպեսզի պատվով ներկայացնենք Հայաստանը այդտեղ և նվաճենք հանդիսատեսի համակրանքը»,- ասաց կիթառահար Արամ Ծատուրյանը: Անդրադառնալով նախընտրական փուլում խմբի հետ հանդես եկած 9-ամյա Միքայել Վարոսյանի մասնակցության հարցին` Գոհար Գասպարյանը նշեց, որ ըստ «Մանկական Եվրատեսիլի» կանոնների` մասնակիցների տարիքը պետք է տատանվի 10-15 տարեկանի միջև, ուստի Միքայելը չի կարողանա մեկնել խմբի հետ, բայց փոխարենը հայտարարելու է հայաստանյան քվեարկության արդյունքները: Խմբի անդամներ Դավիթ Պարոնիկյանը, Արշավիր Գրիգորյանը, Արամ Ծատուրյան ու Աբրահամ Ազնաուրյանը նշեցին, որ իրենց գլխավոր մրցակիցներն են համարում Ռուսաստանի, Իսրայելի մասնակիցներին: Իսկ Գոհար Գասպարյանը հավելեց, որ համերգի ժամանակ` քվեարկության միջոցին, բոլոր երկրների մասնակիցները միասին կկատարեն մարդասիրական երգ, որը հատուկ գրվել է «Մանկական Եվրատեսիլ 2012»-ի համար: Հիշեցնենք, որ սեպտեմբերի 30-ին կայացավ «Մանկական Եվրատեսիլ 2012-ի» հայաստանյան նախընտրական փուլը, որտեղ հաղթող ճանաչվեց Compass band խումբը «Sweetie baby» երգով: «Մանկական Եվրատեսիլ 2012» 10-րդ հոբելյանական մրցույթը տեղի կունենա դեկտեմբերի 1-ին Ամստերդամում: Մրցույթի կազմակերպիչն է AVRO հոլանդական հեռուստաալիքը:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Փաշինյանը՝ սահմանազատման մասին. Տեղի ունեցածը համարում եմ մեծ հաջողություն  Նա նաև կարևորել է, որ սահմանազատումն արվել է 1976 թվականի քարտեզներովՓոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունըՔննարկվել են ՀՀ-ԱՄՆ երկկողմ առևտրի ծավալների ավելացման հարցեր Հանդիպման ընթացքում զրուցակիցներն անդրադարձել են Հայաստանի տնտեսության դիվերսիֆիկացման ընթացքինՓաշինյան․ Ցնցված եմ Սլովակիայի վարչապետի վրա հարձակումից Նա նշել է, որ բռնությունը տեղ չունի քաղաքականության մեջ |
