Նարեկ Հարթունյանի հանդեպ կիրառված խափանման միջոցը վնասում է նրա առողջությանը24 նոյեմբերի 2012 - 17:47 AMT PanARMENIAN.Net - «Նարեկացի» արվեստի միության հիմնադիր Նարեկ Հարթունյանը միջնորդել է դատարանին փոխել հանրապետությունից չբացակայելու մասին իր դեմ կիրառված խափանման միջոցը: Հարթունյանի խոսքով, այն բազմաթիվ անհարմարություններ է ստեղծում իր համար: Փաստորեն նրա՝ հանրապետությունից դուրս գալը փաստացի անհնար է դարձել, ինչը նաև վնասում է նրա առողջությանը, քանի որ ավելի քան մեկ տարի է, ինչ նա չի կարողանում մեկնել ԱՄՆ և զննվել իր բուժող բժշկի մոտ: Իսկ գործունեության իմաստով բավական է միայն այն, որ հոկտեմբերին «Նարեկացի» ժողովրդական նվագարանների համույթի 25 պատանիներ համերգներով պետք է մեկնեին Գերմանիա և Ֆրանսիա, սակայն արվեստի միության նախագահի բացակայությամբ համերգներ տեղի ունեցան միայն Գերմանիայում և այն էլ 8 պատանիների մասնակցությամբ: Սփյուռքահայ մշակութային գործիչը և նրա եղբորը` Սարո Հարթունյանին պատկանող ռուսական մակարոնեղենի ներկրմամբ զբաղվող «GH Storage Enterprise» ընկերության երկու աշխատակիցները կալանավորվել էին անցյալ տարի դեկտեմբերին` մեղադրվելով հարկերից չարամտորեն խուսափելու մեջ: Ըստ ՊԵԿ-ի, պետությանը պատճառվել է շուրջ 64 մլն դրամի վնաս: Նրանց նկատմամբ նախ կիրառվել էր կալանքը որպես խափանման միջոց, սակայն չորս օր անց հանրային ճնշման արդյունքում կալանքը փոխարինվել էր հանրապետությունից չբացակայելու մասին ստորագրությամբ: Նոյեմբերի 23-ի դատական նիստում Նարեկ Հարթունյանը միջնորդեց դատարանին ներկայում իր հանդեպ կիրառված խափանման միջոցը փոխարինել գրավադրմամբ: Իսկ որպես գրավ նա պատրաստ է դնել ավելի մեծ արժողությամբ գույք, քան իրեն առաջադրված է մեղադրանքով: Նույն դատական նիստում դատախազ Բագրատ Պետրոսյանը ներկայացրեց դատահամակարգչային և դատահաշվապահական փորձաքննության եզրակացությունները, նաև քննիչի զննության արձանագրությունը: Միջնորդության մասին որոշում Շենգավիթի դատարանը կկայացնի նոյեմբերի 26-ին` ժամը 11:00-ին, տեղեկացնում է Հարթունյան ընտանիքի մամուլի բաժինը:
Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |