2012թ. հունվար-հոկտեմբերին ՀՀ պետբյուջեի հավելուրդը կազմել է 1.5 մլրդ դրամ

4 դեկտեմբերի 2012 - 13:22 AMT

PanARMENIAN.Net - Հայաստանի պետբյուջեի եկամուտները 2012թ. հունվար-հոկտեմբերին կազմել են 752,6 մլրդ դրամ, ապահովելով ՀՀ կառավարության տարեկան ծրագրի կատարումը 80,9 տոկոսով: Այդ մասին դեկտեմբերի 4-ին ՀՀ ֆինանսների նախարարությունում ճեպազրույցի ժամանակ հայտնել է նախարարության աշխատակազմի բյուջեների կատարման հաշվետվությունների և վերլուծության վարչության պետ Գայանե Զարգարյանը: Ըստ նրա, ծասերը հաշվետու շրջանում կազմել են 751,1 մլրդ դրամ՝ ապահովելով կառավարական ծրագրի կատարողականը 76,9 տոկոսով: «Չնայած ծախսերի մասով պետբույջեի կատարողականի գրանցված ցուցանիշի, պետմարմինները կատարում են ծախսային ծրագրերով իրենց բոլոր պարտավորությունները»,-ասել է նա:

Ինչպես ասել է Գայանե Զարգարյանը, 2012թ. 10 ամսում 2011թ. նույն շրջանի համեմատ պետբյուջեի եկամուտներն աճել են 9,1տոկոսով կամ 63 մլրդ դրամով, ինչը հիմնականում ապահովվել է հարկային մուտքերի հաշվին: Նշված շրջանում ՀՀ պետբյուջեի ծախսերն ավելացել են 4,5 տոկոսով կամ 32,1 մլրդ դրամով, ընդ որում այս ցուցանիշի աճ է գրանցվել նաև ընթացիկ ծախսերի գծով:

Ֆինանսիստը նշել է, որ պետական բյուջեի եկամուտների 94.2%-ը ձևավորվել է հարկային եկամուտների, պետական տուրքերի և պարտադիր սոցիալական ապահովության վճարների, 5.2 %-ը` այլ եկամուտների, 0.6%-ը` պաշտոնական դրամաշնորհների հաշվին: «Հաշվետու ժամանակահատվածում մուտքերը կազմել են 708,9 մլրդ դրամ` 80,8 %-ով ապահովելով տասնամսյա ծրագրի կատարումը: Նախորդ տարվա նույն ժամանակահատվածի համեմատ ընթացիկ ծախսերն աճել են 10,4 %-ով կամ 66,5 մլրդ դրամով,-ասաց նա՝ հավելելով, որ զգալի աճ է արձանագրվել բնապահպանական և բնօգտագործման վճարների մասով:

Գայանե Զարգարյանը նաև հայտնել է, որ 2012 թվականի հունվար-հոկտեմբեր ամիսներին ՀՀ պետական բյուջեն կատարվել է 1,5 մլրդ դրամ հավելուրդով: Հավելուրդը հիմնականում պայմանավորված է արտաբյուջետային միջոցների օգտագործմամբ: Բացի այդ, ինչպես նշեց մասնագետը,

Պետական բյուջեի եկամուտների, ծախսերի և պակասուրդի ֆինանսավորման աղբյուրների ծրագրային շեղումների արդյունքում բյուջեի ազատ միջոցներից ծրագրով նախատեսված 23,6 մլրդ դրամ օգտագործման դիմաց նշված միջոցներն ավելացել են 16.6 մլրդ դրամով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով